🗒️📆Бүгүн психологическай месячник чэрчитинэн уһуйааммытыгар сылдьар доруобуйаларынан ...
🗒️📆Бүгүн психологическай месячник чэрчитинэн уһуйааммытыгар сылдьар доруобуйаларынан хааччахтаах оҕолорго аналлаах *«Хамсаныахха, оонньуохха»* физкультурнай аралдьытыы ыытылынна. 🔖Барыта уһуйаан үрдүнэн 15 оҕо баарыттан 4 бөлөхтөн 6 оҕо кытынна. 🪆🪅🧸Бу аралдьытыы оонньуу нөҥүө оҕо тирэх хамсанар аппараатын, киин ньиэрбинэй систиэмэтин тупсарар, сылайбытын, психиката күүрбүтүн устар, бэйэ-бэйэлэрин кытта бодоруһууларын сайыннарар сыаллаах. 🧑🏻🩰🕺🏻🏃🏻♀️🏃🏻♂️🤸🏻♀️Оҕолор музыканан эти-хааны уһугуннарар хамсаныылары оҥорон баран сымнаҕас ойуулаах маатынан, уонна ыскамыайка үрдүнэн ойоҕостуу хаамыы, үс мас бүтэй күрүөнү тахсыы, мээчигинэн сыал быраҕыы, охтубакка дулҕанан хаамыы, туннель иһинэн түөрт атах буолан сыыллыы, сымнаҕас остуолба муодул быыһынан хаамыы түһүмэхтэрин туораатылар. Аралдьытыыны *«Сиэрдээх оҕо»* бырайыак чэрчитинэн уһуйааммыт тьютордара Скрябина Марианна Николаевна уонна Гаврильева Алена Васильевна көҕүлээһиннэринэн, педагог-психолог Осипова Елена Аркадьевна, физкультурнай салайааччы Павлов Андрей Дмитриевич, хореограф Ушницкая Алена Семеновна тэрийэн ыыттылар. 🧘🏻♀️💃🏻🕺🏻Араас бөлөх оҕолоро бииргэ түмсэн алтыһан, иллээхтик оонньоон, үҥкүүлээн, астынан-дуоһуйан тарҕастылар.