Чурапчы улууһун администрациятын актаабай саалатыгар, өрөспүүбүлүкэ социальнай-экономич...

Чурапчы улууһун администрациятын актаабай саалатыгар, өрөспүүбүлүкэ социальнай-экономическай сайдыытыгар сүҥкэн кылааттаах, сатабыллаах салайааччы, биир дойдулаахпыт Саха өрөспүүбүлүкэтин норуотун хаһаайыстыбатын үтүөлээх үлэһитэ, Саха өрөспүүбүлүкэтин социальнай сулууспатын туйгуна, Чурапчы улууһун уонна Одьулуун нэһилиэгин бочуоттаах олохтооҕо Альбина Иннокентьевна үбүлүөйдээх 80 сааһын бэлиэтиир үөрүүлээх чааһа буолан ааста.             Төрөөбүт нэһилиэгиттэн баһылык Ефремова Л.В., уһуйаантан сэбиэдиссэй Сибирякова А.С., бэтэрээннэрбит Старостина Т.В., Парфенова А.А., Петрова С.С. кыттыыны ыллыбыт.             Чурапчытын дьоно-сэргэтэ үтүмэн элбэх өҥөтүн, кыһамньытын ахтан-санаан ааһан, эҕэрдэ бастыҥын, махтал тылларын анаатылар.             Альбина Иннокентьевна үлэҕэ сыһыана, муудараһа, олоххо дьулуура, дьоҥҥо сыһыана биир дойдулаахтарыгар үтүө холобур буолар. #ДетскийсадКунчээн#Дябыла