Уһуйааммытыгар Аҕам саастаахтар декадаларыгар анаммыт наһаа истиҥ уонна сырдык тэрээһин...
Уһуйааммытыгар Аҕам саастаахтар декадаларыгар анаммыт наһаа истиҥ уонна сырдык тэрээһин буолан ааста. Оҕо туһугар сыраларын ууран, уһуйаан сайдарыгар күүс-көмө буолбут күндү бэтэрээн үлэһиттэрбитин ыҥыран чиэстээтибит. Тэрээһин сыала — үлэ бэтэрээннэригэр ытыктабылы көрдөрүү, кинилэр сыралаах үлэлэрин сыаналааһын уонна көлүөнэ ситимин быспат буолуу. Ыалдьыттарбытыгар анаан, уһуйаан иитиллээччилэрэ истиҥ эҕэрдэлэрин, кэрэ ырыаларын уонна хоһооннорун, саамай кырачааннарбыт кэрэ көстүүлээх күһүҥҥү «Оҕуруот астарынан» муодаларын, үҥкүүлэрин анаатылар. Оҕолорбут бэйэлэрин сылаас илиилэринэн оҥорбут оҥоһуктарын бэлэх ууннулар. Кинилэргэ анаан сылаас үүттээх чэй, минньигэс астаах остуолга олорон оонньоон, уруккуну-хойуккуну истиҥник санаан кэпсэттилэр. Кинилэргэ анаан өйдүү-саныы сылдьалларыгар диэн сэмэй бэлэхпитин туттардыбыт. Күндү бэтэрээннэрбитигэр өссө төгүл кытаанах доруобуйаны, уһун үйэни уонна сырдык сонуну баҕарабыт! Уһуйааммыт аатын үрдүктүк тутан үлэлээбиккит хаһан да умнуллуо суоҕа. #ДетскийсадКунчээн#Дябыла#Чествованиеветеранов