КАНАЛ МБДОУ Д/С №2 "САЙЗАНАК" С.ЭРЗИН ЭРЗИНСКОГО КОЖУУНА РТ
Лайфстайл · 1 ноября 2026 г.
Өгбелеривистиң биске өнчү кылдыр арттырып кааны Азий диптиң төвүн эжелей чурттаан тыва ...
Өгбелеривистиң биске өнчү кылдыр арттырып кааны Азий диптиң төвүн эжелей чурттаан тыва чонум! Силер бүгүдеге төрээн тыва дылывыстың хүнү-биле байыр чедирип, тывызыксыг, онза чараш аялгалыг дылды өнчү кылдыр хүлээп ап, кезээ мөңгеде эдилеп, чоргаарланып чоруурувусту күзедим. Каш салгал ажылдыр дамчып келген төрээн дылывыс аас чогаалы-биле байлак, чугаа-домакка эптиг, аян ырга алдаржаан. Ол амгы үеде эртем-техниктиг депшилгеден чыда калбайн, үе-биле деңге базып, сайзырап турар болгаш дамыр-ханывыс, мээ-медереливис, ишти-хөңнүвүсте сиңген. Төрээн дылывысты хумагалап, келир салгалдарывыска арыг кылдыр арттырып, дамчыдып бээр дорт хүлээлгевисти утпас ужурлуг бис. Чаш ажы-төлүвүстү, аныяк-өскенни бодунуң төрээн тыва дылынга арыг чугааланырынче кыйгырдым. Тыва дыл хүнү делгерезин, тыва домак делегейге мөңге шагда "хомустуң үнү бооп чаңгыланыр-ла болзунам!" Елена Куулар, Национал школа хөгжүдер институттуң директору.