Куорсун аспыт, кынат үүннэрбит тапталлаах Боотулуубут орто оскуолатын, 1986 сыллаахха 1... — 1 сентября 2026 г. в 09:51:58.891
Куорсун аспыт, кынат үүннэрбит тапталлаах Боотулуубут орто оскуолатын, 1986 сыллаахха 10 кылааһы бүтэрэн олох киэҥ аартыгар үктэммит 18-с выпуск оҕолоро, 1976 сылга аан бастаан оскуола боруогун атыллаан «Билии» киэҥ аартыгар үктэммиппит бу 2026 сылга 50-с үбүлүөйдээх сылын туоларынан үөрэн-көтөн тураммыт оскуолабыт педагогическэй кэллэктиибин, техүлэһиттэри, бары үөрэнээччилэрин «Билии күнүнэн» ис-сүрэхтэн итиитик-истиҥник эҕэрдэлиибит! Өлүөр сырыттахха, үлэҕэ, олоххо-дьаһахха табылыннахха, дьыл-күн түргэнник элэстэнэн ааһан иһэр, ол эрэн биһигини үөрэппит тапталлаах учууталларбытыгар өрүү махтана, дириҥ ытыктабылынан өйдүү-саныы сылдьабыт. Тапталлаах Боотулуубут орто оскуолата, кини педагогическай коллектива, уһуйан, үөрэтэн олох киэҥ аартыгар үктэннэрбит үтүөтүн үрдүктүк тутаммыт 42 буолан бүтэрэн, сорох «Школа-Производство-ВУЗ» диэн ыҥырыыннан фермаҕа үлэлии, сорох салгыы үөрэнэ барбыппыт. Маҥнайгы кылааска киирэрбитигэр Федотова Мария Николаевна туппута, 9-10 кылаастарга Боотулуу, Маҥаас, Сургуулук оҕолоро буолан икки кылааска арахсан, 9А кылааһы Капитонова Раиса Семеновна, 9 Б кылааһы бастаан Гаврильева Надежда Ильинична онтон Васильева Любовь Федоровна туппуттара. Кылааспыт салайааччылара хас биирдии оҕоҕо ийэлии сылаас сыһыаннара өрүү биһиги сүрэхпитигэр баар, кинилэргэ биһиги махталбыт муҥура суох! Оскуолабыт барахсан инникитин да үүнэ-сайда турдун, ыччаты үөрэтиигэ, иитиигэ үрдүк миссиятын өрүүтүн да үрдүк таһымнаахтык, үтүө ситиһиилэрдээх толоро турдун диэн санаабытын тиэрдэбит, сахалыы уруйдуубут-айхаллыыбыт, үлэҕитигэр, үөрэххитигэр бастыҥтан-бастыҥ ситиһиилэри, туйгун доруобуйаны, тус олоххутугар дьолу-соргуну баҕаран тураммыт тапталлаах оскуолабытыгар улахан 6*3кв.м «Шатер», "Интерактивнай панель стойкатын" барыта 60000 солк сууммалаах спонсорскай көмө оҥоробут уонна бу 2026-2027 с.с. үөрэх дьылыгар оскуола боруогун аан бастаан атыллаан киирэр маннайгы кылаас оҕолоругар сэмэй бэлэхпитин бэлэхтиибит! Боотулуу орто оскуолатын 1986 сылга бүтэрбит 18-с выпуск оҕолоро Балаҕан ыйын 1 күнэ 2026 сыл