Канал МБОУ "Ботулинская СОШ им. Золотарева Н.А."
Образование · 7 октября 2026 г.
Үөһээ Бүлүү улууһун бэтэрээн учууталлара Боотулуу оскуолатыгар ыалдьыттаатылар*
Үөһээ Бүлүү улууһун бэтэрээн учууталлара Боотулуу оскуолатыгар ыалдьыттаатылар* Алтынньы 6 күнүгэр, Учуутал күнүн көрсө, Н.А. Золотарев аатынан Боотулуу орто оскуолатыгар ураты суолталаах көрсүһүү буолан ааста. Бу күн Үөһээ Бүлүү улууһун араас оскуолаларыттан К. В. Борисова, С. С. Ильина салайааччылаах 19 улуус бэтэрээн учууталлара кэлэн ыалдьыттаата. Ытык педагогтар оскуола иһин-таһын кэрэхсии көрөн, аныгы үөрэх эйгэтин олус сөҕөн уонна хайҕаан бардылар. Көрсүһүү үрдүк таһымнаахтык уонна сылаас атмосфераҕа ааста. Ыалдьыттааһын сүрүн түгэннэрэ: • Истиҥ кэпсэтии: Бэтэрээн учууталлар улахан сүһүөх кылаас үөрэнээччилэрин кытта көрсөн, бэйэлэрин олоххо уоппуттарын уонна үтүө сүбэлэрин үллэһиннилэр. Бу бэлиэ түгэни оскуолабыт "Боотулуу саһарҕата" медиа бөлөҕө мүччү туппакка, ытык ыалдьыттар куттарын тутан, тус-туспа кыракый интервьюлары устан ылла. Көрсүһүү түмүгэр бэтэрээн учууталлар үрдүк астыныыларын биллэрдилэр уонна "Боотулууга өссө да хаттаан кэлиэхпит" диэн истиҥ баҕа санааларын үллэһиннилэр. #боотулууоскуолата #образование