Канал МБОУ "Ботулинская СОШ им. Золотарева Н.А."
Образование · 31 октября 2026 г.
Үөһээ Бүлүү улууһун үөрэҕин салалтата, педагогическай общественноһа улууспут бары трене...
Үөһээ Бүлүү улууһун үөрэҕин салалтата, педагогическай общественноһа улууспут бары тренердэрин Россияҕа тренер күнүнэн истиҥник эҕэрдэлиир! Спортка тренер диэн үлэһит Үөһээ Бүлүүгэ Облсовет ДСО "Урожай" уурааҕынан 1975 сыллаахха баар буолбута. Манна бастакы тренеринэн Семенов Валерий Николаевич көҥүл тустууга анаммыта. Валерий Николаевич Нам оскуолатыгар эрчийбит уолаттарын Украинаҕа Днепропетровскай куоракка үөрэххэ киллэрэн, үөрэҕи бүтэрэн Корякин Д.Н., Николаев А. В, Афанасьев Н. Е., Ленинградтан бүтэрэн Обулахов Д.Н. кэлэннэр 1987 сылга ДЮСШ аһыллан күүстээх үлэ саҕаламмыта. Бу сылларга аатырбыт сүүрүк, биллиилээх тренер Николаев Геннадий Алексеевич педучилищены бүтэрэн кэлэн үлэтин саҕалаабыта. Теннискэ учуутал, иитээччи быһыытынан Неустроев Фёдор Фёдорович олус таһаарыылаахтык үлэлээн, элбэх оҕону спорт бу көрүҥэр уһуйбута. Улуус, республика, Аан дойду аатырбыт сүүруктэрэ Николай Бускаров, Михаил Еремисов биллиилээх тренердэр эбии эрчиллэн, Аан дойду кылаастаах маастардара буолбуттара, тренер быһыытынан үгүс ыччаты үрдүк пьедесталга таһаарбыттара. Саха сиригэр көҥүл тустууга оҕолорго Үөһээ Бүлүү хамаандата бастакы миэстэни 1995-98 сылларга кыахтаахтык ыла сылдьыбыттара. Кинилэртэн быйыл Айаал Павлов Аан дойду үрүҥ көмүс мэтээлин ветераннарга аҕалла. Сардаана Трофимова, Алёна Узнаева (тренер Николаев Г. А.) Россия үрдүк чыпчаалыгар таҕыстылар. Улууска тренер быһыытынан бэриниилээхтик үлэлээбиттэр истэригэр Кысылбаиков И.Г. , Жендринскэй С.А. , Литвинов В.В., Павлов Ю.Д., Уйгуров П.В., Александров А.Т., Николаев А. Д., Павлов А.Е., Егоров М.М. көҥүл тустууга, Харбаев С.С., Дмитриев А.С., Ботуев Г.С., Охотин Г.И. мас тардыһыытыгар, Федотов В.Ф. теннискэ, Саввинова К.Н. волейболга, Терентьева С.Г. дуобакка, Донской Д. Д. саахымакка, Яковлева Т. Н. ытыыга, Григорьева Р. В. хотугу многоборьеҕа республика, Россия таһымыгар тиийэ үрдүк көрдөрүүлээх үлэлээн кэллилэр. Билигин 65 үлэһиттээх Д. Е. Корякин аатынан оҕо спортивнай оскуолата Саха сирин ДЮСШ- рын күрэҕэр үс иһигэр ситиһиилээхтик кыттар. Улууспут үтүө аатын үрдүктүк ааттата сылдьар убаастабыллаах тренердэр, Эһиги улууска спорт сайдыытыгар, эдэр көлүөнэ ыччат чөл, доруобай туруктаах, ситиһиилээх буолуутугар олоххутун анаабыт сыралаах үлэҕит улуус сайдыытын историятыгар көмүс буукубанан суруллар уһулуччулаах дьон буоларгытынан киэн туттабыт! #тренер күнэ #ДЮСШ #үөрэх салалтата