Бээрийэ орто оскуолатын доруобуйаны чэбдигирдэр, кыраайы үөрэтэр хайысхалаах "Туосчут" ... — 16 июня 2026 г. в 01:55:00.206
Бээрийэ орто оскуолатын доруобуйаны чэбдигирдэр, кыраайы үөрэтэр хайысхалаах "Туосчут" лааҕыра анал байыаннай дьайыы кыттыылаахтарын оҕолорун хабан, уопсайа 32 иитиллээччилээх бэс ыйын 5 күнүттэн үлэтин саҕалаабыта. Лааҕыр иһинэн икки куруһуок үлэлиир. Нюргуяна Атласова салайааччылаах "Туос абылаҥа" уонна Степан Слепцов салайааччылаах уруһуй куруһуога. Туос куруһуогар Бээрийэ нэһилиэгэ диэн ааттаммыппыт 100 сылын көрсө ыытыллаары турар ыһыахха анаан "Арчы" туосчуттар түмсүүлэрин (сал. Парасковья Васильева) салайыытынан саха норуотун итэҕэлинэн баай байылыат олох төрдө буолар сылгы, сүөһү тардыытын, кыра дэйбиирдэри туостан, сиэлтэн оҥороллор. Ону таһынан операция "Чучунаах" хонуу луугун хомуйуу, бастакы суһал көмөнү оҥоруу, "Безопасное колесо", "Бээрийэттэн төрүттээх норуот эмчиттэрэ" сквергэ, Сэбиэскэй сойуус Геройа Владимир Лонгинов олоро сылдьыбыт "Аҕабыыт дьиэтигэр" экскурсиялар уо.д.а. тэрээһиннэр күннэтэ былаан быһыытынан ыытыллаллар. ✍🏼Мария Турантаева, Бээрийэ орто оскуолата 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia