Канал МБОУ "Харанская спортивная СОШ им. И.Г.Игнатьева"
Лайфстайл · 27 апреля 2026 г.
САХА ӨРӨСПҮҮБҮЛҮКЭТЭ ТӨРҮТТЭММИТ БЭЛИЭ КҮНЭ! — 27 апреля 2026 г. в 13:12:28.858
САХА ӨРӨСПҮҮБҮЛҮКЭТЭ ТӨРҮТТЭММИТ БЭЛИЭ КҮНЭ! Муус устар 27 күнүгэр 1922 сыллаахха – Өрөспүүбүлүкэ бары олохтоохторугар инникини быһаарбыт, үтүөнү түстүүр бэлиэ күн. Бу күн нэһилиэктэринэн митиннар, автопробегтар, араас тэрээһиннэр ыытылыннылар. Улуус баһылыга Дмитрий Тихонов 1-кы Тыыллымаҕа Семен Захарович Борисов, Хараҕа Иннокентий Гаврилович Игнатьев, Айаал Иванович Степанов, улуус баhылыгын солбуйааччылара Гаврил Толстяков, Василий Филиппов, Николай Никифоров Мөҥүрүөҥҥэ Егор Дмитриевич Кычкин, Хочоҕо Николай Васильевич Бубякин, Бүтэйдээххэ Кузьма Осипович Гаврилов курдук Сахабыт сирин сайдыытыгар дьоhун кылааты киллэрбит ытык-мааны дьоммут ааттарыгар сүгүрүйэн, сибэкки дьөрбөтүн уурдулар. Хас биирдиибит төрөөбүт омукпут аатын өрө тутан, биир санаанан түмсэн, тапталлаах Сахабыт сирин инники кэскилин туһугар таһаарыылаахтык үлэлиэҕиҥ-хамсыаҕыҥ. Иннибит диэки эрэллээхтик хардыылыаҕыҥ! Үүнэ-сайда тур, Сахабыт сирэ! Мэҥэ Хаҥалас улууһун дьаһалтатын пресс-сулууспата