Канал МБОУ "Харанская спортивная СОШ им. И.Г.Игнатьева"
Лайфстайл · 1 сентября 2026 г.
🔔 И.Г.Игнатьев аатынан Харатааҕы успуорт оскуолатыгар маҥнайгы кылааска 19 оҕо киирдэ — 1 сентября 2026 г. в 12:00:03.193
🔔 И.Г.Игнатьев аатынан Харатааҕы успуорт оскуолатыгар маҥнайгы кылааска 19 оҕо киирдэ 🔰 Бүгүн, балаҕан ыйын 1 күнүгэр И.Г.Игнатьев аатынан Харатааҕы успуорт оскуолата 2026-2027 үөрэх дьылыгар уопсайа 272 үөрэнээччилээх үлэтин саҕалаата. Маҥнайгы кылааска 19 оҕо оскуола боруогун атыллаата. 🎒 Үөрүүлээх күн ытыс дохсун тыаһынан быйыл оскуоланы бүтэрээччилэри, кылаастарын салайааччытын үрдүк категориялаах физика уонна информатика учууталын, «Надежда Якутии» бэлиэ хаһаайынын Леонид Киренскэйи, бастакы кылаас үөрэнээччилэрин, кылаастарын салайааччытын алын кылаас үрдүк категориялаах учууталын, РСФСР үөрэҕириитин туйгунун Матрена Лукинаны көрүстүлэр. 🤩 Үөрэнээччилэри, төрөппүттэри, оскуола кэлэктиибин Хара нэһилиэгин баһылыга Дария Назарова, дириэктэрдэрэ Алексей Оконешников, улуустааҕы үп салаатын салайааччы, Хара нэһилиэгин кураатара Станислав Стручков, үөрэх управлениетын начаалынньыгын солбуйааччы Эльмира Апросимова, Харатааҕы успуорт лиссиэйин төрүттээччи, СӨ физическэй култуураҕа үтүөлээх үлэһитэ, РСФСР үөрэҕириитин туйгуна, РФ уопсай үөрэхтээһинин бочуоттаах үлэһитэ, «СӨ учууталларын учууталлара», «Аҕа дойду иннигэр үтүөтүн иһин» уордьан иккис сүһүөх мэтээлин туһааннааҕа Афанасий Илларионов эҕэрдэлээтилэр. 🔔Быйылгы үөрэх дьылын аһыллыбытын биллэрэр, чугдаарар чуорааны тыаһатар чиэс 11-с кылаас үөрэнээччитигэр Юрий Гагаринҥа уонна маҥнайгы кылаастан София Доктороваҕа бэрилиннэ. 📚 Алексей Оконешников: – Барыгытын И.Г.Игнатьев аатынан Харатааҕы успуорт оскуолатын үөрэнээччилэрин, кэлэктиибин уонна тус бэйэм ааппыттан Билии күнүнэн истиҥҥик эҕэрдэлиибин. Быйыл оскуолабытыгар маҥнайгы кылаас боруогун 19 кырачаан үөрэнээччи атыллаата. Оҕолорбутугар ситиһиилээх үөрэҕи баҕарабыт. Төрөппүттэрбит учууталлары кытта тэҥҥэ үлэлиэхтэрэ, оскуолаҕа көмө буолуохтара диэн эрэнэбит. Оскуоланы бүтэрээччилэр үүммүт олус эппиэтинэстээх сылга үчүгэйдик үөрэнэн, эксээмэннэрин туттаран, бэйэлэрин баҕаларынан талан ылбыт үөрэхтэригэр киириэхтэрэ диэн улахан эрэллээхпит, – диэтэ. 📲 «Эркээйи» в MAX: https://max.ru/channel_Erkeii @gazetaerkeii @ulusmedia