Канал МБОУ "Харанская спортивная СОШ им. И.Г.Игнатьева"
Лайфстайл · 25 февраля 2026 г.
Аҕа дойдуну көмүскээччилэр күннэригэр Р.Г. Васильев аатынан улуустааҕы кыраайы үөрэтэр...
Аҕа дойдуну көмүскээччилэр күннэригэр Р.Г. Васильев аатынан улуустааҕы кыраайы үөрэтэр түмэлгэ “Биир санаа, биир сорук!"”, диэн анал байыаннай дьайыыга анаммыт, онно биир дойдулаахтарбыт кыттыыларын туһунан кэпсиир быыстапка арылынна. Бэлиэ тэрээһиҥҥэ улууспут салайааччылара, анал байыаннай дьайыы кыттыылаахтара, буойуннар чугас дьонноро уонна хаан уруу аймахтара, “Түмэн” общественнай хамсааһын кыттыылаахтара, оскуола үөрэнээччилэрэ уонна учууталлар кыттыыны ыллылар. Быыстапка аһыллыытыгар улуус баһылыга Тихонов Д.И., улуус үөрэҕириитин салайааччытынсолбуйааччыта Стручков Ф.А., “Доблесть” байыаннай дьайыылар бэтэрээннэрин түмсүүтүн бэрэссэдээтэлэ Сергеев А.Н. быыстапка ис хоһоонун уонна суолтатын арыйан истиҥ тыллары эттилэр. Майа В.П. Ларионов аатынан орто оскуола 8 в кылааһын үөрэнээччилэрэ (кыл.салайааччыта Шарина Ф.А.) Иннокентий Артамонов “ Тапталлаах Сахабыт дойдута” хоһоонтон быһа тардыыны толордулар. Патриотическай тэрээһиҥҥэ Майа В.П. Ларионов аатынан оскуола 8 б юнармейскай кылааһын үөрэнээччилэрэ (кыл. салайааччыта Дмитриева С.М.) быыстапка тэрийээччилэрин анал ыҥырыыларынан кыттыыны ыллылар. Юнармейскай 8 б кылаасүөрэнээччилэрэ үһүс сылын “Түмэн” общественнай хамсааһыҥҥа көмөлөһөн, анал байыаннай дьайыыга сылдьар биир дойдулаахтарын кытта сибээстэһэн уонна "Боевые шелкопряды" акцияҕа кыттыһан кэллилэр. Үөрэнээччилэр кылааһынан биир дойдулаахтарын өйүүр-көмөлөһөр үлэлэрин сырдатар фотоальбом уонна матырыйааллара быыстапкаҕа туруорулуннулар. “Сулус” этэрээт юнармеецтарын санааларыттан: Афанасьев Ариан, "Сулус" этэрээт хамандыыра, ВПК "Беркут" иитиллээччитэ: СВО туһунан элбэҕи биллим. Ол курдук туох тиийбэтин, ыараханын, сэрэхтээҕин, буойуннар күннээҕитуhанар малларын. СВО-га сылдьар биир дойдулаахтарбытыгарбаҕарабын кытаанах доруобуйаны, күүһү-тулууру, бары этэҥҥэ дьиэ кэргэннэригэр эргиллэн кэллэригэр. Колесов Айаал, үөрэх бастыҥа: Биһиги түмэлгэ буолбут сүрдээх кэрэхсэбиллээх тэрээһиҥҥэ сырыттыбыт. Быыстапка анал байыаннай дьайыыга сылдьар дьоннорбут олохторун-дьаһахтарын көрдөрөр. Араас элбэҕи биллим, холобур, хайдах курдук элбэх инники кирбиигэ сылдьар биир дойдулаахтарбытыгар гуманитарнай көмө улууспутуттанбарарын. Ону таһынан буойуннар анал байыаннай дьайыыга туох сэп-сэбиргэл илдьэ сылдьылларын көрдөрбүттэригэр олус сэргээбиппит, холобур: FPV-дрон, баыйаннай таҥастара-саптара уо.д.а. Охлопкова Сайаана, кылаас лиидэрэ: Биһиги 6 кылааска аан бастаан технология уруогар "Боевые кармашки" тикпиппит. Ол кэннэ оскуолага "Боевые шелкопряды" акция буолбута. Кылааһынан сүбэлэһэн баран 2024 с. сэтинньи ыйыгар сетка баайыытыгар көмөлөһөн саҕалаабыппыт. Билигин сетка баайыытын акциятыгар кытта сылдьабыт. Сэрии бүтэ охсоругар, ил эйэ кэлиэн баҕарабыт.