Канал МБОУ "Харанская спортивная СОШ им. И.Г.Игнатьева"
Школы и вузы · 6 ноября 2026 г.
Мэҥэ Хаҥалас оскуолаларыгар саҥа автобустар!
Мэҥэ Хаҥалас оскуолаларыгар саҥа автобустар! Сэтинньи 5 күнүгэр дойду президенэ Владимир Путин быһаччы көҕүлээһининэн, Бырабыыталыстыба өйөбүлүнэн оскуола автопаркатын саҥардыы федеральнай барылын чэрчитинэн Ил Дархан Айсен Николаев Саха Сирин 23 улууһун үөрэх кыһаларыгар барыта 46 саҥа оскуола автобуһун туттарда. Биһиги улууспуттуттан А.С. Шахурдин аатынан Төҥүлү уонна М.Е. Попов аатынан Аллараа Бэстээх орто оскуолалара саҥа автобустар күлүүстэрин туттулар! Бу автобустар оҕолор араас тэрээһиннэргэ куттала суох айанныылларыгар анал тахографтардаахтар, ГЛОНАСС навигациятынан, ЭРА-ГЛОНАСС тэриллэринэн хааччыллыбыттар уонна түргэнэ 60 км/ч үрдүк буолбат гына оҥоһуллубуттар. Дойдубут Президенигэр Владимир Путиҥҥа, өрөспүүбүлүкэбит Ил Дарханыгар Айсен Николаевка, Саха Өрөспүүбүлүкэтин Үөрэҕин министиэристибэтигэр махталбытын тиэрдэбит! Оҕолорбут куттала суох уонна табыгастаах айаннара биһиги бастыҥ сыалбыт!
Канал в каталоге Максиметера
248 подписчиков · Школы и вузы