Бүгүн, ыам ыйын 18 күнүгэр, саха уһулуччулаах уопсастыбаннай, бэлитиичэскэй диэйэтэлэ, ...
Бүгүн, ыам ыйын 18 күнүгэр, саха уһулуччулаах уопсастыбаннай, бэлитиичэскэй диэйэтэлэ, сырдатааччы, суруйааччы уонна драматург Василий Васильевич Никифоров-Күлүмнүүр төрөөбүтэ 160 сылын бэлиэтиибит. Кини аата саха норуотун устуоруйатыгар көмүс буукубаларынан суруллар, кини үлэлэрэ, идиэйэлэрэ күн бүгүнүгэр диэри суолталаахтар. Күлүмнүүр научнай үлэлэрэ билигин даҕаны норуот олоҕун-дьаһаҕын үөрэтиигэ сыаналаах матырыйаалынан буолаллар. Кини «Саха омук» уопсастыбаны тэрийсибитэ, омук бэйэтин быраабын туруулаһарга, сайдыы суолугар үктэнэригэр сүҥкэн кылааты киллэрбитэ. Бүгүн биһиги Василий Васильевич Никифоров-Күлүмнүүр аатынан киэн туттабыт. Кини олоҕо, үлэтэ-хамнаһа, идиэйэлэрэ саҥа көлүөнэни иитиигэ, саха норуотун култууратын, литературатын сайыннарыыга сүдү суолталаахтар.