💐Ытыктабыллаах учууталлар, күндү үөрэнээччилэр, төрөппүттэр уонна үөрэхтээһин эйгэтин ... — 31 августа 2026 г. в 23:48:05.884
💐Ытыктабыллаах учууталлар, күндү үөрэнээччилэр, төрөппүттэр уонна үөрэхтээһин эйгэтин бары үлэһиттэрэ! 📚Билии күнүнэн, саҥа үөрэх дьыла саҕаламмытынан Үөрэх управлениетын аатыттат итиитик-истиҥник эҕэрдэлиибит! Балаҕан ыйын 1 күнэ — бу халандаарга баар судургу даата эрэ буолбатах, бу биллибэт-көстүбэт эйгэни арыйарга, хорсун санаалары төрөтөр суолу аһар, ону тэҥэ саҥа чыпчааллары дабайарга сирдиир бэлиэ күн. Маҥнайгы кылааска киирэр оҕолорго бу улахан суолталаах айан саҕаланыытын, бүтэрэр кылаастарга улахан олоххо тахсар инники кирбиини, оттон атыттарга билиигэ-көрүүгэ умсулҕаннаах айан саҥа түһүмэҕин кэрэһилиир. Биһиги улууспут үөрэхтээһинэ эрэллээхтик сайдан иһэр. Национальнай бырайыактары олоххо киллэрии көмөтүнэн аныгы, инновационнай уонна куттала суох үөрэтэр эйгэни тэрийэбит, хас биирдии үөрэнээччи иннигэр долгуйабыт. Үчүгэй оскуола дьиэтин тутуохха, ону саамай аныгы тэрилинэн хааччыйыахха, үөрэнэргэ саамай табыгастаах эйгэни тэрийиэххэ сөп, ол эрээри үөрэхтээһиҥҥэ сүрүн дьоруой — хаһан да Учуутал. Учууталларбытыгар эһиги сүҥкэн сыралаах үлэҕитигэр, муударайгытыгар, тулуургутугар уонна идэҕэ бэриниигитигэр дириҥ махталбытын биллэрэбит. Эһиги оҕо сүрэҕэр билиигэ-көрүүгэ тардыһыы кыымын уматан, хас биирдии үөрэнээччи талаанын арыйарга көмөлөһөҕүт. Онтон үөрэнээччилэргэ актыыбынай, сыаллаах-соруктаах буолууну уонна ыарахаттартан чаҕыйбаттарыгар баҕарабыт. Үөрэххит эһиэхэ интэриэһинэй, умсугутуулаах суол буоллун. Төрөппүттэргэ баҕарабыт оҕолоргутун өйүүргүтүгэр уонна кинилэр ситиһиилэринэн киэн туттаргытыгар. Бу үөрэх дьыла хас биирдиигитигэр чаҕылхай кыайыыларынан, таһаарыылаах үлэнэн уонна тус арыйыыларынан баай буоллун! Чэгиэн доруобуйаны, этэҥҥэ буолууну уонна үтүө санааны! Билии күнүнэн!💐💐💐