🔹 Олунньу 27 күнүгэр Төбүлэх нэһилиэгэр Дьокуускай куораттан «ВОИН» диэн ыччаты дойдуг... — 2 марта 2026 г. в 06:45:44.033
🔹 Олунньу 27 күнүгэр Төбүлэх нэһилиэгэр Дьокуускай куораттан «ВОИН» диэн ыччаты дойдуга бэриинилээх буоларга иитэр уонна байыаннай-спортивнай бэлэми ыытар киинтэн, «БООТУР» добровольческай этэрээттэн, анал байыаннай дьайыы кыттыылаахтара, барыта алта киһи кэлэн ыалдьыттаан аастылар. Мэҥэ-Хаҥалас, Чурапчы, Таатта, Томпо, Өймөкөөн, Муома улуустарынан таарыйан, үүнэр көлүөнэ ыччаты кытта көрсөн, сэһэргэһэн патриоттуу тыыҥҥа иитэр сыаллаах автопробег оҥоро сылдьаллар. Биһиги нэһилиэкпитигэр оскуола уонна уһуйаан оҕолорун түмэн, «ВОИН» киин эдэр көлүөнэҕэ уонна ыччакка туһуламмыт үлэлэрин туһунан кэпсээтилэр, маны таһынан сайыҥҥы өттүгэр оҕо лааҕырын тэрийэн үлэлэтэллэрин туһунан билиһиннэрдилэр. Лааҕырга 14 сааһыттан саҕалаан оҕолору сүүмэрдээн, байыаннай спортивнай оонньуулары ыыталларын, снайпиҥҥа (саанан ытыыга), тактическай медицинаҕа бэлэмнииллэрин туһунан иһитиннэрдилэр. Араас ыксаллаах быһыыга-майгыга эт-хаан эчэйиитигэр маҥнайгы көмөнү хайдах уонна түргэнник оҥорору судургу, тиийимтиэ тылынан кэпсээн, бэйэлэригэр көрдөрөн, быһааран үөрэттилэр. Ыраахтан салаллан көтөр аппараат (БПЛА) тутулун, туох сыалга туттулларын, хайдах көтүтэргэ, салайарга маастар кылаас ыыттылар. Ыалдьыттарбыт үүнэр көлүөнэ ыччаппытыгар эйэлээх олоҕу, дьоллоох оҕо сааһы, үөрэххэ-билиигэ ситиһиини, төрөөбүт дойдуга-норуокка тапталлаах буола улааталларын эттилэр. Бэрт кылгас кэм иһигэр сүрдээх туһалаах иһитиннэриини, үөрэҕи ыытан, оҕолор да, улахан да дьон сэҥээриитин ылан салҕыы айаннаатылар. ✍🏻 Людмила Стручкова @indigir_uottara