ДНТ "Кэскил" им. Т. Р. Иванова СП "Хорулинский наслег"
Новости · 12 апреля 2026 г.
"Сандал сааһы уруйдаан": Хорулаҕа кыһыны атаарыы дьоро күнэ! ☀️❄️ — 12 апреля 2026 г. в 07:16:23.016
"Сандал сааһы уруйдаан": Хорулаҕа кыһыны атаарыы дьоро күнэ! ☀️❄️ Бүгүн, муус устар 11 күнүгэр, Хорула нэһилиэгэр сааскы тыын, үөрүү-көтүү үгэнэ буолла! "Сандал сааһы уруйдаан" диэн ааттаах кыһыны атаарыы бырааһынньыга ыытылынна. Эбэбит кытыытыгар мустубут дьону сааскы тэтимнээх музыка доҕуһуола көрүстэ. "Алгыма" бөлөх дьээбэлээх частушкаларынан, нэһилиэкпит баһылыга Тимофей Алексеевич истиҥ эҕэрдэтинэн тэрээһиммит саҕаланна. Хорулабыт чааһынай да холбоһуктаах кээпэрэтиип да хаһаайыстыбалаах да дьоно, тэрилтэлэрбит уонна түөлбэлэр аһы-үөлү дэлэччи тардан, атыы-эргиэн киэҥник тэрилиннэ. Сытыы тыаллаах күннээх да буоллар, хорулабыт дьоно-сэргэтэ тоҥмото! Олохтоох дьаһалтабыт үлэһиттэрэ тэрийбит кус, хаас, ис мииннээх, итии чэйдээх мааны сандалыта дьон сүрэҕин сылаанньытта. Искэ итии ас киллэрэн, дьагдьайа сыспыппыт ааһан, ис-испититтэн ирэн, үөрүүбүт өссө улаатта! Минньигэс аһы, итии миини бэлэмнээбит дьоммутугар, бу бырааһынньыгы тэрийбит олохтоох дьаһалтаҕа барҕа махтал буоллун! Тэрээһин сүрүн киэргэлэ — түөлбэлэр, тэрилтэлэр икки ардыларыгар ыытыллыбыт күрэс буолла:🌻🌞🌻🌞🌻🌞 ✅ Миэстэни киэргэтии; ✅ "Кулинарнай точка" — ким ас-үөлэ ордук минньигэһин, ким киэргэтиитигэр ордук сатабыллааҕын көрдөрүү. ✅скоморуох эбэтэр көстүүмнээх көрү-нары көҕүлээччи - кэпсээччи. Күрэс түмүгүнэн маннык таҕыста: ✨1 миэстэни "Туллукчаана" уһуйаан кэллэктиибэ (сэб. Иванова С.С.) ✨2-с миэстэни "Көппөх" түөлбэ олохтоохторо, ✨3-с миэстэни Е.К. Федоров аатынан Хорула орто оскуолатын кэллэктиибэ (директор Васильев П.Н.) буолла. Биһирэбил бириистэринэн"Аартык" (сал. Филиппова К.Д.) "Сайылык." (сал. Филиппова Я.М.) түөлбэлэр. Кэллэктиип барыта ураты киэргэтии, ас - үөл минньигэһэ, дьоҥҥо тиэрдиитэ да сааскылыы чаҕылхай кэрэ буолла! Оскуолабыт оҕолоро барахсаттар оҥоһуктара👏🏼👍Роланнаах Мантан Екатерина салалталарынантупсан, сайдан иһэрэ үөрдэр! Сувенирга, бэлэххэ ыларга олус 👍. Варвара Даниловна бэйэтин кэтэх хаһаайыстыбатыттан ылар аһылыгыттан оҥорбут бүлүүдэлэрэ минньигэһэ диэн!👍👏🏼 Салгыы кырачаан оҕолорбутугар көрдөөх күрэхтэр ыытылыннылар. Улахан дьоҥҥо тэрилтэлэринэн көрдөөх-нардаах күрэх буолла. Көрдөөх оонньуу түмүгэ маннык буолла: ✨1 миэстэ "Аартык" түөлбэ, ✨2 -с миэстэ Е.К. Федоров аатынан Хорула орто оскуолатын кэллэктиибэ, ✨3-с миэстэ олохтоох дьаһалта кэллэктиибэ. Киэһэ үөрүүлээх күммүтүн түмүктүүр "Көрүдьүөс түгэннэр" көр-күлүү, ырыа дьоро киэһэтэ тосхойдо! Саала иһэ толору дьоммут мустан ыччат - эмэн дьоммут көрдөрүн, ымыылаах ырыаларын истэн сүргэбит көтөҕүлүннэ. Кэнсиэр кэннэ күүтүүлээх "Байанай бэлэҕэ" лоторея күрэҕэ буолла. Тарбахтарыгар талааннаахтар "Байанай бэлэҕэр" тигистилэр! ☀ ️ Сандал сааспыт сандааран кэллэ, дьоммут-сэргэбит бары үөрэ-көтө, эйэ-дэмнээхтик кыһыны атаардыбыт. Кэлэр кэмҥэ үлэбит-хамнаспыт табыллан, санаабыппыт сатанан истин! Хорула нэһилиэгин пресс сулуусбата #Хорула #Саас #КыһыныАтаарыы #СандалСаас #Түөлбэ#ИтииМиин