Ну как Вам новый стих? — 6 сентября 2026 г. в 09:00:48.334
Ну как Вам новый стих? Ян,а шигырь: Туган йорт жыры Туган йортка кайтыйк әле, Әти-әни көтә бит. Бер күрешеп, бер сөйләшеп, Күңелләр дә үсә бит. Бергә җыелып, табын корып, Пылау пешсен казанда. Көлешеп тә, серләшеп тә, Ямь керсен һәрбер җанга. Әти-әни исән чакта Кайтыйк туган нигезгә. Бала-чага, оныклар да Өйрәнсен бергә безгә. Туган йортның һәр почмагы Балачакны саклыйдыр. Әти сүзе, әни назы Йөрәкләрдә яши бит. Оныклар да күреп үссен Нәселебез җылысын. Буыннарны буыннарга Туган нигез ялгасын. Кушымта: Кайтыйк әле, кайтыйк әле, Туган йортка, туганнар! Сәбәп көтеп тормыйк әле — Бер күрешик, туганнар! Бергә чакта — көчле гаилә, Бергә чакта — җылы өй. Якыннарны якын итеп, Яшик әле гомер буе! ❤️ Еллар үтә, вакыт оча, Эшләр бетмәс беркайчан. Ә туганнар янда булса — Бәйрәм була һәрбер таң. Шуңа күрә шалтыратыгыз, Кунакка да чакырыгыз. Бер сәгатькә булса да сез Туган йортка кайтыгыз! Әби-бабай, әти-әни, Балалар һәм оныклар — Бер үк агач ботаклары, Бер тамырдан туганнар. Йортта балалар тавышы, Оныкларның көлүе — Әти-әни өчен бәхет, Гаиләнең гомере. Кушымта: Кайтыйк әле, кайтыйк әле, Туган йортка, туганнар! Сәбәп көтеп тормыйк әле — Бер күрешик, туганнар! Бергә чакта — көчле гаилә, Бергә чакта — җылы өй. Якыннарны якын итеп, Яшик әле гомер буе! ❤️ Комил Сиразетдинов, 06.09.2026 автор, российский предприниматель, член союза журналистов Башкортостана и России с 2019 года https://vk.ru/wall-1312147_251