🖋🖋🖋 Леонид Андреевич Попов аатынан «СУНТААР МИИГИН ЫҤЫРАР-2026» Аким Андреевич Кондр...
🖋🖋🖋 Леонид Андреевич Попов аатынан «СУНТААР МИИГИН ЫҤЫРАР-2026» Аким Андреевич Кондратьев, бэйиэт, публицист, ССРС, РСФСР норуотун үөрэҕириитин туйгуна, Сунтаар улууһун бочуоттаах олохтооҕо, I Бордоҥ нэһилиэгэр төрөөбүтэ 95 сылыгар уонна Ариан Андреевич Кондратьев-Иилиҥкэй, мелодист, оҕо бэйиэтэ, СӨ үөрэҕириитин туйгуна, Элгээйи, Толоон нэһилиэктэрин, Сунтаар улууһун бочуоттаах олохтооҕо, Элгээйи нэһилиэгэр төрөөбүтэ 90 сааһыгар аналлаах “Ньургуһун хоһуйар түһүлгэтэ” кэтэхтэн күрэс балаһыанньата: Тэрийээччилэр: «Сунтаар улууһа (оройуона)» МТ дьаһалтата, Сунтаар улууһун култууратын уонна айылгытын салалтата, улуустааҕы кииннэммит бибилэтиэкэ ситимэ, «Ньургуһун» литературнай түмсүү. Уопсай балаһыанньата: Сыала: Айар-суруйар дьоҕурдаах дьону, саҥа ааттары арыйар, айар талааннары өйүүр, кинигэлэрэ элбиирин көҕүлүүр «Ньургуһун» литературнай түмсүү иһинэн күрэс. Айымньы тиэмэтэ: Оҕолорго аналлаах кэпсээннэр Ирдэбиллэр: • Күрэскэ 18 сааһыттан үөһэ дьон кыттыыны ылар; • Кыттааччы биир айымньыннан кыттар; • Айымньы эрдэ бэчээттэммэтэх, атын күрэскэ кыттыбатах буолуохтаах. • Күрэс «Ньургуһун», “Харалдьык” литературнай түмсүү чилиэттэригэр аналлаах; • Айымньы көмпүүтэргэ (WORD) Times New Roman 14 кээмэй, 1.5 интервалынан бэчээттэммит буолуохтаах; • Кыттааччы толору аата, дьаралык аата, төрөөбүт сыла, аадырыһа, телефона булгуччу толору ыйыллыахтаах; • Айымньы атын дьон ааптарыскай быраабын кэспэтин ааптар бэйэтэ мэктиэлиир; Айымньыны тутуу болдьоҕо: Балаҕан ыйын 5 күнүгэр диэри sunlibrary.orch@mail.ru электроннай почтаҕа эбэтэр Л. А. Попов аатынан Сунтаардааҕы киин библиотека, ааҕар саалатыгар аҕалан биэриэххитин сөп. (Электроннай көрүҥүн) Күрэс түмүгэ: Л.Попов аатынан "Сунтаар миигин ыҥырар-2026" ырыа-хоһоон түһүлгэтин кэмигэр, Элгээйи нэһилиэгэр, балаҕан ыйын 9 күнүгэр биллиэҕэ. Кыайыылаахтар кинигэ таһаарыытыгар сыаллаах Сунтаар култууратын уонна айылгытын салалтатын анал гранын уонна кинигэ таһаарыытыгар сыаллаах туоһу сурук тутуохтара. Кыттыан баҕалаахтар 22-1-91, 89142812275 Саргылана Романовна, 89142677617 Мария Леонидовна нүөмэргэ эрийэн билсиҥ.