📖🍁📖🍁📖🍁 Аҕам саастаахтар күннэрин көрсө нэһилиэк ытык кырдьаҕаһыгар 90 саастаах үл...
📖🍁📖🍁📖🍁 Аҕам саастаахтар күннэрин көрсө нэһилиэк ытык кырдьаҕаһыгар 90 саастаах үлэ, тыыл бэтэрээнигэр Баһылай Уйбаанабыс Баһылайапка ыалдьыттаатым. Сэһэргэһэр сыалбыт кинигэ, ааҕыы тула. Эрдэ бибилэтиэкэҕэ кинигэ бэлэх уунуохтааҕын билэн тиийдим. Баһылай Уйбаанабыс 7 кылаас үөрэхтээх. Үөрэҕин бүтэрээт холхуос, сопхуос үлэтиттэн олох сааһырыар диэри илиитин араарбатаҕа. Кэргэнэ Даарыйалыын дьоллорун үлэттэн булбуттара. Кинигэ ыскаабыгар араас кинигэ мунньуллубут. Онтон наардаан 15 кинигэни туора уурбут. «Бу мин аахпыт сахалыы кинигэлэрим» — диэн соһутта. Дьиҥэ баара маннык эбит. Кыра кыыс Валентина билигин куоракка олорор, кэм — кэм дойдутугар кэлэн аҕатын көрсөн -билсэн барар. Биир сүрүн дьарыктара ааҕыы. Күн аайы, биир күнү көтүппэккэ, киэһээ 7 чаастан 30 – 40 мүн. төлөпүөн нөҥүө аҕатыгар сахалыы айымньылары аахпыта толору икки сыл буолбут. Баһылай: “Урут кыралаан сахалыы кинигэни бэйэм ааҕар этим, сааһыран баран ордук истэрбин ордордум. Кыыһым үлэтиттэн кэлэн ааҕарын олус кэтэһэбин. Арыт сөптөөх кинигэ көстүбэт, ону көрдүүр, сэрэтэр. «Дьэ, буллум” — диэтэҕинэ иккиэн үөрэ түһэбит”, — диэн санаатын үллэстэр. Ол курдук саха классик суруйааччыларыттан аныгы кэм суруйааччыларыгар тиийэ элбэх да айымньыны аахпыттар. Биирдиитэ эрэ ааҕыллыбыт саҥа кинигэлэрин ыччат дьон аахтын, «ааҕар киһи билиилээх», — диэн бэлэх уунна. Бу ди олоххо өй уонна дууһа баайа. Ытык кырдьаҕаспытыгар истиҥ кэпсээнин иһин махтанабын, саппаҕырбат санааны, сырдык күнү, ыраас халлааны, чэгиэн доруобуйаны баҕарабын. https://krestyakh.sunlibrary.ru/?p=2889