"Иис - уус абылаҥа" диэн иистэнньэҥ, нэһилиэк бочуоттаах олохтооҕо Люция Скоблова тус а...
"Иис - уус абылаҥа" диэн иистэнньэҥ, нэһилиэк бочуоттаах олохтооҕо Люция Скоблова тус айар быыстапката олохтоох бибилэтиэкэҕэ турда. Манна Люция Николаевна иллэҥ кэмигэр вышивканан оҥорбут, иистэммит үлэлэрэ кэккэлэстилэр. Бэйэтэ кэпсииринэн эдэр эрдэҕиттэн дьарыктанар эбит, сэбиэскэй кэм сурунаалларыттан ылан оҥорбут үлэлэрин билсистибит. Элбэх үлэтэ дьиэтигэр баар уонна дьоҥҥо бэлэх буолан тарҕаммыт. Ол иһигэр сиэннэр аныгылыы техниканан оҥорбут хартыыналара киһи болҕомтотун тардар. Талаан дьон - сэргэ кэрэхсэбилин ылыан ылар. Быыстапка уон күҥҥэ туруо, алтынньы 9 күнүгэр 3.30 ч. кэлэн сиһилии, чугастык хаһаайканы, кини үлэлэрин туһунан билсиэххитин сөп 🖼🖼🖼
99 просмотров