Бүгүн, биллэриллибитин курдук күнүс 3 чаастан Тойбохой модельнай библиотекатыгар ааҕаач...
Бүгүн, биллэриллибитин курдук күнүс 3 чаастан Тойбохой модельнай библиотекатыгар ааҕааччылары кытта көрсүһүү буолла. Уот суох да буоллар добуочча "Аарыма" сэһэн сэҥээрээччилэрэ мустан сэһэргэстибит. Айар үлэм туһунан билиһиннэрдим, Аарыма сэһэнтэн арыйа түстүм, тоҕо, туох сыалтан бу сэһэни суруйбуппун туһунан билиһиннэрдим. Олус үчүгэй ыйытыктары биэрэллэр. Олус сэргииллэрэ биллэр. Биллэн турар эмиэ "Туллайы" кэтэһэ хааллылар. Аһаҕастык кэпсэтэллэриттэн, үөрэ-көтө күлэллэриттэн киһи аттыларыгар да сылдьан бэйэтэ үөрүөх курдук. Өссө айымньылаахтык үлэлиирбэр баҕаран алҕаан атаардылар. Санаам сырдаан, сэниэ эбинэн аҕай кэллим. Көрсүһүүнү тэрийбит Тойбохой модельнай библиотекатын, кулууп үлэһиттэригэр барҕа махталбын тириэрдэбин. Айымньы айарга хас көрсүһүү аайы алгыстаах тылларыттан кынаттанан, сэһэргэһэн икки өттүттэн дуоһуйуу ылан, өссө үтүө айымньыны айбыт киһи диэн санаа кынаттанан, дьон үөрүүтүн тэҥҥэ үллэстэн туругум тупсан кэллим. Маннык көрсүһүүттэн айар киһи кистэлэҥ сылаата ааһар, ааҕааччылар итэҕэллэриттэн бэйэҕэр өссө үрдүк ирдэбили ылынаҕын. Дьон итэҕэлэ диэн олус үрдүк сыанабыл. Дьэ ону түһэн биэрбэт курдук салҕыы өссө туруулаһан туран үлэлиэххэ наада. Барҕа махтал! Александр Амбросьев-Сайылык Уола 13.10.2026с. Сиһилии ⤵⤵⤵ https://tbx.sunlibrary.ru/?p=1826