Гжель - бу маҥан фарфор (керамика) үрдүгэр чаҕылхай куөх уонна сырдык сиригэр уруһуйдам...
Гжель - бу маҥан фарфор (керамика) үрдүгэр чаҕылхай куөх уонна сырдык сиригэр уруһуйдаммыт оһуордаах Арассыыйа норуотун биллэр уус-уран оҥоһуга буолар. Бу аат Москуба уобалаһыгар баар Гжель диэн уокуруктан (27 дэриэбинэ холбоһугуттан) тахсыбыт, онно былыр -былыргыттан туой иһиттэри оҥорооһун сайдыбыт. Уратыта: маҥан сирэйгэ күөх уонна халлаан куөх өҥнөр дьүөрэлэһиилэрэ. Уруһуйун анал хара өҥнөөх кобальт кыраасканан уруһуйдууллар, онтон үрдүн глазурьдаан баран анал оһоххо уматтахтарына биирдэ сырдык куөх буолан кубулуйар. Маастардар үксүн айылҕа матыыптарын — сибэккилэрин, көтөрдөрүн, үүнээйилэри уонна олоххо-дьаһахха буолар түүбэлтэлэри уруһуйдууллар эбит. Гжель истиилинэн иһит- хомуос арааһын (чаайниктар, сыпсылар, куруускалар), ону таһынан кыра сувенирдары, араас кыыллар уонна дьон статуэткаларын оҥороллор. Хас биирдии оҥоһук уруһуйа хатыламмат, тоҕо диэтэр маастардар хас биирдии иһити бэйэлэрин илиилэринэн уруһуйдууллар, ааттарын суруйаллар. Маастардар оҥоһуктарын бырааһынньыктарга да анаан, күннээҕи олоххо да туттарга оҥороллор эбит. Бүгүҥҥү ыалдьыппыт - быыстапка хаһаайката Людмила Пайдютова. Салҕыы өссө билиһиннэриэхпит. Эн эмиэ гжель иһиккин комментарийдарга хаартыскалаан ыытыаххын сөп 🙏😉📸