📍Кукмара районында яшүсмерне төнге эшкә җәлеп иткәннәр — 16 июля 2026 г. в 14:10:01.417
📍Кукмара районында яшүсмерне төнге эшкә җәлеп иткәннәр Кукмара районы прокуратурасы тарафыннан шәхси эшмәкәр эшчәнлегендә хезмәт законнарының үтәлеше тикшерелде. Күзәтчелек чаралары барышында балигъ булмаган хезмәткәрнең хокуклары бозылуы ачыкланды. Тикшерү нәтиҗәләре буенча, эшмәкәр 18 яшькә кадәрге хезмәткәрне төнге вакытта (22 сәгатьтән соң) эшкә җәлеп иткән. Яшүсмер администратор вазифаларын башкарган. Бу Россия Федерациясе Хезмәт кодексының 96 нчы маддәсе 5 нче өлеше таләпләрен бозу булып тора, әлеге норма 18 яшькә кадәрге затларны төнге эшкә җәлеп итүне тыя. Моннан тыш, Хезмәт кодексының 69 һәм 266 нчы маддәләре таләпләрен бозып, балигъ булмаган хезмәткәр эшкә керешкәнче мәҗбүри медицина тикшерүе узмыйча эшкә кертелгән. Әлеге тикшерү эш бирүче хисабына үткәрелергә тиеш. Шулай ук тикшерү барышында яшүсмернең эш вакыты һәм смена дәвамлылыгы законда билгеләнгән чикләрдән артуы ачыкланган. 16 яшьтән 18 яшькә кадәрге хезмәткәрләр өчен атналык эш вакыты 35 сәгатьтән, ә көнлек смена 7 сәгатьтән артмаска тиеш. Төнге эш белән бергә бу хәл яшүсмернең сәламәтлегенә һәм үсешенә куркыныч тудырган. Район прокуратурасы барлык эш бирүчеләргә балигъ булмаганнарның хезмәт хокукларын бозуның юл куелгысыз булуын искәртә һәм яшүсмерләрне закон тарафыннан тыелган шартларда эшкә җәлеп иткән өчен административ һәм җинаять җаваплылыгы каралганын кисәтә.