🤝 Казан шәһәрендәге «Ярдәм» иҗтимагый хәйрия фонды мәйданчыгында Татарстан Республикас...
🤝 Казан шәһәрендәге «Ярдәм» иҗтимагый хәйрия фонды мәйданчыгында Татарстан Республикасы Иҗтимагый палатасы һәм «Татарстан муниципаль берәмлекләре советы» ассоциациясенең уртак утырышы узды. 💬 Чарада катнашучылар гражданлык җәмгыяте институтларын үстерү һәм муниципаль дәрәҗәдә иҗтимагый советлар эшчәнлеге турында фикер алыштылар. 🏅 Очрашу азагында бүләкләү тантанасы булды. Россия Федерациясендә гражданлык җәмгыятен үстерүгә керткән зур өлеше өчен Кукмара районы Иҗтимагый советы рәисе Рауля Сөләйман кызы Самерханова Россия Федерациясе Иҗтимагый советының Рәхмәт хаты белән бүләкләнде. 🌟 Шулай ук Татарстан Республикасы Иҗтимагый палатасы оештырган «Татарстан көче: хезмәт һәм батырлык» конкурсына нәтиҗә ясалды. «Муниципаль берәмлекләр территориясендә эшләүче хезмәт династияләре һәм күренекле шәхесләр тарихын ачыклау, саклау һәм популярлаштыру буенча иң яхшы проект» номинациясендә Югары Чура авыл җирлегендә яшәүче инициатива төркеме — Ирина Крибова, Рубин Азин һәм Лариса Осипова III дәрәҗә диплом белән бүләкләнде. 👏 Бүләкләнүчеләрне котлыйбыз һәм алга таба да уңышлар телибез!