📌Күңелле ял, онытылмас хатирәләр
📌Күңелле ял, онытылмас хатирәләр Камышлы урманы буенда урнашкан «Нараткай» лагеренда көзге каникулларны 100дән артык бала үткәрә. Аларны көн саен кызыклы чаралар, мавыктыргыч уеннар һәм күңелле очрашулар көтә. Яр Чаллы, Казан, Әлмәт һәм Кукмарадан килгән хореографлар балалар өчен мастер-класслар оештырып, бию серләренә төшендерә. Лагерьда «Дәфнә» тәхәллүсе белән иҗат итүче автор-башкаручы Фәүзия Кадыйрова белән дә очрашу узды. Ул балаларга иҗаты турында сөйләде, җырлары белән таныштырды һәм аларның сорауларына җавап бирде. Көзге каникул көннәре балаларга яңа дуслар, матур тәэсирләр һәм онытылмаслык хатирәләр бүләк итә. #кукмара #татмедиа #кукморинформ #лагерь #нараткай #балалар
390 просмотров