🔥Дона ëртъяс, воис кад тöдмöдны тіянöс коми нывъяслöн «Райда» республикаса ордйысьöмын... — 12 февраля 2026 г. в 16:18:41.009
🔥Дона ëртъяс, воис кад тöдмöдны тіянöс коми нывъяслöн «Райда» республикаса ордйысьöмын муниципальнöй тшупöдын КОЙМÖД пырöдчыськöд 🌸ЛОГИНОВА АГНИЯ (п. Усогорск)🌸 ________________________________________________ «Менӧ шуӧны Логинова Агния, комиӧн кӧ, Митрей Агней. Ачым ме Ыджыд Пызьдiн сиктысь. Чужи да быдми коми семьяын. Ӧкмыс класс ме помалі Пыссаын. Ыджыд Пысса-тайӧ менам медся радейтана места - кӧні лолыд шойччӧ да сьӧлӧмыд радлӧ. Быд пельӧс танi йиджтысьӧма кутшӧмкӧ казьтылӧмӧн. Ме зэв ёна радейта ассьым чужан сиктӧс. Джын во нин ола Усогорскын да велӧдча дасӧд классын Усогорскса шӧр школаын. Танi заводитi котравны лызьӧн. Тренируйтча пӧшти быд лун, котрала 6-8 километра ӧти луннас. Мыйла ме пырӧдча конкурсö? Менӧ корисны участвуйтны, и ме сӧгласитчи, медым висьтавны ас йылысь да аслам чужан сикт йылысь, мый сэнi эм чуймӧданторйыс. Кӧсъя петкӧдлыны, мый ми, том йӧз, тӧдам да радейтам чужан коми кывнымӧс. Тадзи висьталіс Агния ас йывсьыс . Сиам Агниялы бур вермӧмъяс конкурсын!