🔥Дона ëртъяс, воис кад тöдмöдны тіянöс коми нывъслöн «Райда» республикаса ордйысьöмын ... — 19 января 2026 г. в 18:36:41.192
🔥Дона ëртъяс, воис кад тöдмöдны тіянöс коми нывъслöн «Райда» республикаса ордйысьöмын муниципальнöй тшупöдын медводдза пырöдчыськöд 🌸 ВУРДОВА ЕКАТЕРИНА ДЕНИСОВНА (Кослан сикт)🌸 ______________________________________________ "Менӧ шуӧны Екатерина Вурдова. Меным 22 арӧс. Чужи да быдми Кослан сиктын, Мозын ю бокын. Пыр нимкодяси удораса мичлунӧн, озыр вӧр-ваӧн, уджач, шань да няня-сола войтырӧн. Та вӧсна мӧвпыштi велӧдчӧм бӧрын овмӧдчыны танi, чужанiнын. Ичӧтсянь радейтi йӧктыны, сьывны да ворсны сцена вылын. Ӧкмысӧд класс помалӧм бӧрын пыри велӧдчыны "В. Т. Чисталёв нима Коми республиканскӧй культура колледжӧ". Студенталiгӧн пырӧдчи уна сикас концертъясӧ, гажъясӧ, гижи сценарийяс. "Пелысь мольяс" йӧзкостса сьылан-йӧктан котыркӧд ветлiм весиг Казаньӧ, петкӧдчим "Матрёшка" канмукостса фестиваль вылын. Диплом босьтӧм бӧрын локтi чужанiнӧ да пыри уджавны "Юрий Васютов нима йӧзкост творчество керкаӧ" хормейстерӧн. Коймӧд во нин веськӧдла "Зарава" да "Сьылан гор" сьылан котыръясӧн. Ачым сьыла "Визув ёль" йӧзкостса сьылан-йӧктан котырын. Кужӧмлуннымӧс петкӧдлам и удораса сиктъясын, и мукӧд кар-районъясын, пырӧдчам уна сикас фестиваль-конкурсъясӧ. Ме чайта, мый "Райда" конкурсӧ пырӧдчӧм меным сетас выль тӧдӧмлунъяс да тӧдмасьӧмъяс. Виччыся аслам творческӧй олӧмын кутшӧмкӧ выль тӧвру." _______________________________________________ Тадзи висьталіс Екатерина ас йывсьыс да аслас удж йылысь . Сиам Катялы бур вермӧмъяс конкурсын! #ЦСКДУдора #Райда2026Удора