🎥Киинэ абылаҥа: Чурапчыга киинэ искусствота үөскээбитэ 89 сыла… — 2 апреля 2026 г. в 02:50:34.121
🎥Киинэ абылаҥа: Чурапчыга киинэ искусствота үөскээбитэ 89 сыла… Саха сирин култууратын сайдыытыгар Чурапчы улууһа өрүү дириҥ ситимнээх, баай устуоруйалаах. Кэлэр сыл улууспут култууратын олоҕор суолталаах сыл буолан турар — Чурапчыга саҥалаах киинэ көстүбүтэ 90 сылын туолар үбүлүөйдээх сылы көрсөбүт. Бу үөрүүлээх тэрээһиннэр Саха Өрөспүүбүлүкэтигэр биллэриллибит Култуура сылын чэрчитинэн ыытыллаллар. 🎞️Киинэ — олох кэрэ түгэннэрин үйэтитэр, норуот духуобунаһын сайыннарар уонна көлүөнэлэри ситимниир улахан күүс. 90 сыл устата хас да көлүөнэ көрөөччү киинэ абылаҥын билэ, киинэ геройдарыттан холобур ыла, олох суолунан сөпкө айаннырга үөрэммитэ. 🎥Киинэ — дьиэҕэ-уокка эрэ көрөр көрдөрүү буолбатах, кини киһини толкуйдатар, эйэҕэс буоларга үөрэтэр уонна төрөөбүт дойдуга тапталы иҥэрэр улахан күүс. 📹Бу күннэргэ улууспутугар ыытыллыбыт "Киинэ күннэрэ" — киинэ эйгэтин бэтэрээннэрин, билиҥҥи артыыстары уонна көрөөччүлэри түмэр биир кэрэ түгэнинэн буолла. Бу тэрээһиннэр маастар-кылаастарынан, көрсүһүүлэринэн уонна саҥа киинэ бырайыактарынан түмүктэннилэр. 💜🎥🍿🎬Ону таһынан, муус уустар 1 күнүгэр «Айыллаан» киинэ тыйаатырын төрөөбүт күнүн бэлиэтиибит. «Айыллаан» — бу аата бэйэтэ саҥа саҕахтары арыйыыны, сырдыгы уонна кэрэни бэлиэтиир. Тыйаатыр коллектива көрөөччүлэр дууһаларыгар сырдык уоту киллэрэн, киинэ искусствотын сайдыытыгар бэриниилээхтик үлэлиир. 👏🏻Ытыктабыллаах киинэ эйгэтигэр үлэлээбит бэтэрээннэрбитигэр баҕарабыт айар үлэҕит, үтүө санааҕыт уонна эдэр көлүөнэни иитиигэ киллэрбит кылааккыт инникитин даҕаны улуус култууратын сайдыытыгар төһүү күүс буола турдун. 🌿Киинэ — үйэлээх искусство. 90 сыллаах устуоруйа — бу саҥа үрдэллэри дабайар, саҥа киинэлэринэн көрөөччүнү сөхтөрөр уонна кэскили ситимниир саҥа саҕахтар саҕаланыылара. Саҥа үрдэллэри, үрдүк ситиһиилэри!