5 нче сентябрь көнне Песәй авылында Урам бәйрәме булып узды. "Капка төбе " исеме астынд... — 7 сентября 2026 г. в 08:30:39.421
5 нче сентябрь көнне Песәй авылында Урам бәйрәме булып узды. "Капка төбе " исеме астында узган бәйрәмнең хөрмәтле кунагы Менделеевск районы башлыгы урынбасары Ләйсән Камил кызы Галеева бәйрәмне ачып җибәрде. Ул Татарстан мактау тактасына кертелү уңаеннан, мәдәният йорты директоры Рафаэль Кабировны тәбрикләде, шулай ук авылыбыз депутаты Тимур Ирек улына рәхмәт хаты тапшырды. Бәйрәм белән авыл җирлеге башлыгы Вильдан Илсур улы Мөхәммәтгалиев тәбрикләп, изге теләкләрен юллады. Бәйрәм концерт номерлары белән беррәттән күңелле уеннар, ярышлар, аралашулар белән үрелеп барды. Шулай ук китапханәче Розалия Яраханова әзерләгән Г. Тукайга багышланган викторина да күпләрнең игътибарын җәлеп итте . Авылыбызны яратып гомер итүче, аның гореф-гадәтләрен сакларга булышучы, яхшы күңелле кешеләр булуына тагын бер кат инандырган Мичурин урамы халкы булуы сөендерә дә, горурлык хисләре дә уята.