🕌 «Әл-Мәрҗани» мәчетендә Салихҗан хәзрәтне соңгы юлга озаттылар — 29 сентября 2026 г. в 15:15:57.567
🕌 «Әл-Мәрҗани» мәчетендә Салихҗан хәзрәтне соңгы юлга озаттылар Бүген «Әл-Мәрҗани» мәчетендә күп еллар дәвамында мәчетебездә хезмәт иткән кадерле аксакалыбыз Салихҗан хәзрәт Закировны соңгы юлга озатып җеназа намазы үткәрелде. Салихҗан хәзрәтнең тормышы һәм хезмәте мәчетләргә бәйле булды, әлхәмдүлилләһ. Ул күп еллар дәвамында «Әл-Мәрҗани» мәчетендә хезмәт итеп, үзенең ихласлыгы, Ислам диненә кылган хезмәте белән күпләрнең хөрмәтен казанды. Аны бүген соңгы юлга озатырга килгән һәркемнең күңелендә хәзрәт белән бәйле җылы истәлекләр калыр. 🤲🏻 Аллаһ Раббыбыз Салихҗан хәзрәтнең гөнаһларын ярлыкасын, каберен нур белән тулыландырсын, урынын Җәннәт бакчаларыннан кылсын. Бу дөньяда кылган барлык изгелекләрен кабул итеп, үзенә садака-җария итеп язсын. Туганнарына һәм якыннарына күркәм сабырлык, күңелләренә тынычлык бирсен. Әмин!