ХАДААЙЫ ТҮМЭЛИГЭР ВЫПУСКНИКТАРТАН БЭЛЭХ — 15 июня 2026 г. в 05:39:54.394
ХАДААЙЫ ТҮМЭЛИГЭР ВЫПУСКНИКТАРТАН БЭЛЭХ 🔖Хас сылын аайы бэс ыйыгар үтүө үгэскэ кубулуйбут выпускниктар көрсүһүүлэрэ саҕаланнылар. Ааспыт өрөбүллэргэ 1996 сыллаахха орто оскуоланы бүтэрбит выпустар үбүлүөйдээх 30 сылларын бэлиэтээн Ытык Күөлгэ муһуннулар. Ол курдук, Ытык-Күөл 1, 2 нүөмэрдээх оскуолалара уонна лицей (уруккута Тааттатааҕы гимназия) выпускниктара бииргэ мустан, оҕо саастарын, эдэр саастарын санаан, ыллаан-туойан, оонньоон, үҥкүүлээн, дуоһуйа сынньанан тарҕастылар. Ытык Күөлгэ үбүлүөйдээх выпустар төрөөбүт дойдулара сайдарын туһугар бэлэх биэрэр үтүө үгэстээхтэр. Ол сиэринэн, 1996 сыллаахха оскуоланы бүтэрбиттэр улууспут килбэйэр киинигэр турар Д.К.Сивцев – Суорун Омоллоон төрүттээбит Хадаайы литературнай түмэлигэр өрөмүөҥҥэ анаан 50000 солкуобайдаах сертификаты бэлэх ууннулар. «Тааттабыт улууһун ЫКСОШ-1, ЫКСОШ-2, гимназия 96 выпустарыгар "Таатта" түмэлин аатыттан улахан МАХТАЛБЫТЫН тиэрдэбит🫂💐😍🌟 Улуускут, дойдугут сайдарын туһугар дириҥ толкуйдаах, патриот, биир санаалаах, түмсүүлээх буоларгытын көрдөрдүгүт!👏🏻👏🏻👏🏻 Социалистическай Үлэ Геройа, норуодунай суруйааччы, үгүс түмэллэри төрүттээччи Дмитрий Кононович Сивцев үлэлээбит, оҥорон таһаарбыт тутууларын тупсарарга, өрөбүөннэтэргэ кылааккытын киллэрбиккитинэн киэн туттабыт, холобур оҥостобут👏🏻👏🏻👏🏻💐💐💐 Дьон-сэргэ тоҕуоруһа мустар музейын историятыгар киирдигит👏🏻👏🏻👏🏻 Махтал хас биирдиигитигэр🫂🫂🫂 Баҕарабыт үлэҕитигэр, дьиэ кэргэҥҥитигэр, тус бэйэҕитигэр дьолу, ситиһиини, тапталы, үгүс элбэх үөрүүнү!» - диэн түмэл үлэһиттэрэ 1996 сыллаах выпустарга махтал тылларын аныыллар. Маннык үтүө бачыым салҕана турдун, тапталлаах Тааттабыт чэчирии, үүнэн-сайдан истин! @taattagazeta @ulusmedia