Саха народнай суруйааччыта, Социалистическай Үлэ геройа Д.К. Сивцев-Суорун Омоллоон төр...
Саха народнай суруйааччыта, Социалистическай Үлэ геройа Д.К. Сивцев-Суорун Омоллоон төрөөбүтэ 120 сылыгар аналлаах «Хараҥаҕа тыкпыт сырдык» оҕолорго өрөспүүбүлүкэтээҕи кэтэхтэн ыытыллар уруһуй күрэһин балаһыанньата Тэрийээччи: П.А. Ойуунускай аатынан Саха государственнай литературнай музейа. Кыттааччылар: Саха сирин оскуолаларын алын сүһүөх (1-4), орто сүһүөх (5-8) кылаас үөрэнээччилэрэ. Күрэс сыала: • Суорун Омоллоон оҕоҕо аналлаах айымньыларын кытары билсиһии. • Оҕолор уруһуйдуур талааннарын арыйыы; • Суорун Омоллоон оҕолорго аналлаах айымньыларын нөҥүө оҕо айар, толкуйдуур дьоҕурун көрүү. Күрэс ыытыллар болдьоҕо уонна кыттыы бэрээдэгэ: • Күрэс 2026 сыл балаҕан ыйын 30 күнүттэн алтынньы 31 күнүгэр диэри ыытыллар (konkurslitmuzeim@mail.ru); • Түмүк сэтинньи 5 күнүгэр тахсар (www.sakhalit.com саайтка уонна социальнай ситимҥэ тахсар). • Үлэни кытта сайаапка толоруллар (сыһыарыы №1), төлөбүр туһунан докумуон (чек) ыытыллар. Күрэс сүрүн ирдэбиллэрэ: 1. Уруһуйу кыттааччы ханнык баҕарар талбыт ньыматынан (масло, акварель, тушь, өҥнөөх харандаас, мелкилэр уо.д.а.) толорор. 2. Күрэскэ кыттааччы биир үлэни киллэрэр. 3. Уруһуй улахан киһи көмөтө суох оҥоһуллуохтаах. 4. Үлэ аллараа уҥа муннугар ыйыллар: толору оҕо аата, кылааһа, үлэ аата, ханнык айымньыга олоҕурбута. 5. Күрэскэ кыттааччылар икки хайысханан кытталлар: 1). Уопсай үөрэхтээһин оскуолата; 2). Анал художественнай оскуола. 6. Үлэлэри сканердаан 2026 с. балаҕан ыйын 30 күнүттэн алтынньы 31 күнүгэр диэри konkurslitmuzeim@mail.ru электроннай почтаҕа ыыталлар. 7. Кыттааччы 150 солк. усунуос төлүүр. Усунуос 89679261861№ сбербанк төлөнөр. Дьүүллүүр сүбэ сыаналыыр кэриҥнэрэ: 1. Күрэс кыайыылаахтарын быһаарыыга уопсай үөрэхтээһин оскуолатыттан эбэтэр анал художественнай оскуолалартан киирбитэ хайаан да ыйыллар. 2. Үлэ ис хоһооно, тематын арыйыыта, сонуннук таба көрүү (оригинальность), композициятын тутуһуу, саҥалыы айыы, уус-уран ойуулааһын таһыма, уруһуй толоруллуутун хаачыстыбата сыаналанар. Күрэс түмүктэрэ, олохтонор наҕараадалар: Күрэс түмүгэ 2026 с. сэтинньи 5 күнүгэр Литературнай музей сайтыгар www.sakhalit.com уонна социальнай ситимигэр тахсар. Хас биирдии бөлөххө I, II, III миэстэлэр, ону таһынан биһирэбил үлэлэр ананаллар. Кыайыылаахтарга дипломнар туттарыллаллар. Бары кыттааччыларга туоһу сурук бэриллэр. Дипломнар, туоһу суруктар электроннай почтаҕа ыытыллаллар. Билсэр телефоҥҥут: 8 (4112) 42-89-12, 89679261861 (сот.) Аадырыспыт: Дьокуускай куорат, Октябрьскай уул. №10, П.А. Ойуунускай аатынан Саха государственнай литературнай музейа. Сыһыарыы сигэтэ: https://sakhalit.com/2026/09/22/d-k-sivcev-suorun-omolloon-toroobute-120-siligar-anallaax-xaranaga-tikpit-sirdik-ogolorgo-urusui-kuresin-balasuinnata/ Биһи социальнай ситиммитигэр суруйтарыҥ : https://max.ru/id1435055078_gos https://vk.com/sakhalitmuseum https://t.me/sakhalitmuseum https://rutube.ru/channel/32769536 https://sakhalit.com