Рустам Каженкин кинигэтэ сүрэхтэннэ 📚
Рустам Каженкин кинигэтэ сүрэхтэннэ 📚 Алтынньы 29 күнүгэр П.А. Ойуунускай аатынан Литература түмэлигэр дьоро күн үүннэ. Манна поэт, учуутал уонна түмэл дириэктэрэ Рустам Каженкин «Сахалыы-нууччалыы, нууччалыы-сахалыы ойуулаах тылбаасчыт» диэн саҥа кинигэтин билиһиннэрдэ! 💫 Тэрээһин истиҥ тыыннаах аһаҕас кэпсэтии быһыытынан ааста. Ааптар ыалдьыттары кытта атах тэпсэн олорон, тылбаасчыт хайдах толкуйданан, оҥоһуллан тахсыбытын туһунан кэпсээтэ. Кэлбит дьон аһаҕас микрофон нөҥүө итии-истиҥ эҕэрдэлэрин тиэртилэр, санааларын үллэһиннилэр уонна ааптарга махталларын биллэрдилэр. Бу кинигэҕэ 42 тиэмэҕэ наардаммыт 1400-тэн тахса тыл уонна тыл ситимэ киирдэ. Бу саха тылын саҥа үөрэтэн эрэр эбэтэр төрөөбүт тылын саппааһын хаҥатыан баҕарар киһиэхэ бэртээхэй көмөлөһөөччү буолуоҕа. Ойуулаах буолан, тыл суолтатын өйдүүргэ өссө судургу. 🛍️ «Сахалыы-нууччалыы, нууччалыы-сахалыы» ойуулаах тылбаасчыты «Айар» бары маҕаһыыннарыттан эбэтэр интэриниэт-маҕаһыынтан атыылаһыаххытын сөп.