21 сентября – Рождество Пресвятой Владычицы нашей Богородицы и Приснодевы Марии. Велики...
21 сентября – Рождество Пресвятой Владычицы нашей Богородицы и Приснодевы Марии. Великий двунадесятый праздник. Пресвятая Дева Мария родилась в палестинском городе Назарете, в семье праведных Иоакима и Анны. Родители Ее, достигшие преклонного возраста, были бездетны. В то время у евреев считалось, что отсутствие детей в семье – признак какого-то согрешения и сопутствующего ему гнева Божия; поэтому пожилым супругам приходилось терпеть много оскорблений и насмешек. Но они не теряли надежды на милость Божию, веря, что Господь может даровать им чадо и в старости. Они горячо молились Богу и со слезами просили Его даровать им дитя, которое они обещали посвятить на служение Ему в Иерусалимском храме. Господь исполнил их прошение: благовестник таин Божиих Архангел Гавриил принес Иоакиму и Анне радостное известие о том, что молитвы их услышаны и у них родится Дочь Мария, посредством Которой будет даровано спасение всему миру. Тропарь праздника, глас 4: Рождество́ Твое́, Богоро́дице Де́во, ра́дость возвести́ всей вселе́нней: из Тебе́ бо возсия́ Со́лнце пра́вды Христо́с Бог наш, и, разруши́в кля́тву, даде́ благослове́ние, и, упраздни́в сме́рть, дарова́ нам живо́т ве́чный. Кондак праздника, глас 4: Иоаки́м и А́нна поноше́ния безча́дства, и Ада́м и Е́ва от тли сме́ртныя свободи́стася, Пречи́стая, во святе́м рождестве́ Твое́м. То пра́зднуют и лю́дие Твои́, вины́ прегреше́ний изба́вльшеся, внегда́ зва́ти Ти: непло́ды ражда́ет Богоро́дицу и пита́тельницу Жи́зни на́шея. Задостойник праздника: Велича́й, душе́ моя́, пресла́вное рождество́ Бо́жия Ма́тере. Чу́жде ма́терем де́вство и стра́нно де́вам деторожде́ние; на Тебе́, Богоро́дице, обоя́ устро́ишася. Тем Тя, вся племена́ земна́я, непреста́нно велича́ем. Молитва: О, Пресвята́я и Богоизбра́нная Де́во, Влады́чице на́ша Богоро́дице, Небеси́ и земли́ Цари́це, на ра́дость и утеше́ние всему́ от безпло́дных и безча́дных роди́телей Бо́гом дарова́нная! Роди́вшися Бо́жиим промышле́нием, Ты разреши́ла еси́ непло́дствие ро́ждшия Тя, и ны́не непло́дное се́рдце мое́ плодоно́стно сотвори́ предста́тельством Твои́м у Престо́ла Вседержи́телева, непло́дствовати же соде́лай мя злы́ми де́лы, гнелы́ми словесы́ и нечи́стыми помышле́ньми. О, Всеблаже́нная, да явлю́ся ча́до Бо́жие, доброде́телей благопло́дие при́сно принося́щее. Ты утоли́ла еси́ Пречи́стым Рождество́м Твои́м плач прама́тери на́шея Е́вы, и пра́ведныя роди́тели Твоя́ изба́вила еси́ поноше́ния безча́дства, и ны́не утоли́ плач и воздыха́ния многоболе́зненныя и грехолюбо́вныя души́ моея́ и изба́ви всех нас поноше́ния злосмра́дных дел на́ших, страсте́й безче́стия и от вся́кого порабоще́ния вра́жескаго. Наипа́че же да́руй нам, Пресвята́я Богоро́дице Де́во, во всесве́тлый день Рождества́ Твоего́ чи́стым се́рдцем разуме́ти и па́мятовати, с коли́кою ра́достию и благодаре́нием непло́дная утро́ба святы́я пра́ведныя А́нны ноша́ше Тя, да и мы не то́чию словесы́, но наипа́че де́лы свои́ми вы́ну бу́дем со умиле́нием серде́чнем прославля́ти Тя, вопию́ще: Сла́ва прише́ствию Твоему́, Чи́стая. Сла́ва Рождеству́ Твоему́. Сла́ва де́вству Твоему́, Ма́ти Безневе́стная. Ку́пно же с Тобо́ю сподо́би нас непреста́нно сла́вити и велича́ти Всесвяты́й Плод Твой, Сло́во воплоще́нно, во чре́ве Твое́м неопа́льно носи́мо, Ему́же сла́ва подоба́ет, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом ны́не и при́сно и во ве́ки веко́в. Ами́нь. Величание праздника: Велича́ем Тя, Пресвята́я Де́во, и чтим святы́х Твои́х роди́телей, и всесла́вное сла́вим Рождество́ Твое́.