Перед иконой Пресвятой Богородицы «Семистрельная», или «Умягчение злых сердец», молятся...
Перед иконой Пресвятой Богородицы «Семистрельная», или «Умягчение злых сердец», молятся при вражде или гонениях, об умиротворении враждующих, а также в озлоблении сердца – о ниспослании дара терпения. Тропарь, глас 5: Умягчи́ на́ша зла́я сеpдца́, Богоpо́дице, и на́пасти ненави́дящих нас угаси́ и вся́кую тесноту́ души́ на́шея pазpеши́, на Твой бо святы́й о́бpаз взиpа́юще, Твои́м стpада́нием и милосе́pдием о нас умиля́емся и pа́ны Твоя́ лобыза́ем, стpел же на́ших, Тя теpза́ющих, ужаса́емся. Не даждь нам, Ма́ти Благосе́pдная, в жестокосе́pдии на́шем и от жестокосе́pдия бли́жних поги́бнути, Ты бо еси́ вои́стину злых сеpде́ц умягче́ние. Кондак, глас 2: Благода́тию Твое́ю, Влады́чице, умягчи́ сердца́ злоде́ев, низпосли́ благоде́телей, соблюда́ющи их от вся́каго зла, благомоля́щимся Ти усе́рдно пред честны́ми ико́нами Твои́ми. Моли́тва: О многоско́рбная Ма́ти Бо́жия, превы́шшая всех дще́рей земли́ по чистоте́ Свое́й и по мно́жеству страда́ний, Тобо́ю на земли́ пренесе́нных! Приими́ многоболе́зненныя воздыха́ния на́ша и сохрани́ нас под кро́вом Твоея́ ми́лости. Ина́го бо прибе́жища и теплаго предста́тельства, ра́зве Тебе́, не ве́мы, но, я́ко дерзнове́ние иму́щи ко И́же от Тебе́ Рожде́нному, помози́ и спаси́ ны моли́твами Свои́ми, да непреткнове́нно дости́гнем Ца́рствия Небе́снаго, иде́же со все́ми святы́ми бу́дем воспева́ти хвалу́ в Тро́ице Еди́ному Бо́гу, всегда́, ны́не, и при́сно, и во ве́ки веко́в. Ами́нь.