💥Киләһе "Аҙна ғаиләһе" рубрикаһында Фазыловтар ғаиләһе менән таныштырырға теләйбеҙ.👪 — 14 июля 2026 г. в 19:49:08.850
💥Киләһе "Аҙна ғаиләһе" рубрикаһында Фазыловтар ғаиләһе менән таныштырырға теләйбеҙ.👪 🌸Фазыловтар ғаиләһе Акъярҙа ғүмер итеүсе күп балалы ғаиләләрҙең береһе. Ғаилә башлығы Ришат Рәшит улы һәм ғаилә усағын һаҡлаусы Дилә Әхмәҙей ҡыҙы Аҡъярҙа тыуып үҫкән, бер мәктәптә уҡыған. Юғары белем алып, бер аҙ эшләп алғас, сәстәрен-сәскә бәйләргә ниәтләгән һәм тыуған ауылдарында төпләнгәндәр. 💪Ришат Рәшит улы бына инде 20 йыл бер урында - Бүребай тау-байыҡтырыу комбинатында эшләй. 2006 йылда Магнитогорск тау техник университетында байыҡтырыусы һөнәрен үҙләштереп, йәш белгес булып үҙ районына ҡайта һәм бөгөнгө көнгә тиклем һайлап алған һөнәренә тоғро ҡала. ✌Дилә Әхмәҙей ҡыҙы Башҡорт дәүләт университетының журналистика бүлеген тамамлай һәм хеҙмәт юлын "Китап" нәшриәтендә башлай, һуңынан Хәйбулла район гәзитендә һәм Аҡъяр телевидениеһында эшләй. Декрет ялында үҙ эшен асырға ниәтләй һәм сәскәләр салоны асып ебәрә, уға ҡыҙының исемен бирә - "Ынйы" тип атай. 👪Ғаиләнең йәме булып дүрт бала үҫеп килә. Өлкән улдары Ирхан быйыл бар имтихандарҙы "5"-кә биреп, 9 сы класты тамамланы, физика, информатика фәндәрен үҙ итә. Киләсәктә инженер йәки IT сфера белгесе булырға уйлай. Уртансы улдары Сыңғыҙ 5сене тамамланы. Ижади ҡарашлы Сыңғыҙ Аҡъяр сәнғәт балалар мәктәбендә гитара һәм һүрәт буйынса белемен арттыра. Мәктәптә лә тик "4"-"5" билдәләренә өлгәшә. Кесе улдары Батыр быйыл 3 класҡа уҡырға барасаҡ. Бәләкәстән еңмеш малай спортта ла, уҡыуҙа ла һынатмай : Аҡъяр спорт мәктәбенә футбол секцияһына йөрөй һәм мәктәптә тик "5"-легә уҡый. Ғаиләнең йәме булып Ынйы ҡыҙҙары үҫеп килә. Уға әлегә 2,5 йәш. Ул "Йәйғор" балалар баҡсаһына йөрөй. Һүрәт төшөрөргә, бейергә, ағалары менән уйнарға ярата. Әйткәндәй, Фазыловтарҙың балалары барыһы ла "Йәйғор" балалар баҡсаһына йөрөй, хәҙер инде малайҙар 25 йыл элек ата-әсәһе тамамлаған 2-се һанлы Аҡъяр урта мәктәбендә уҡый. Тырыш ғаилә күптән түгел яңы йорт төҙөп сыға. Ял ваҡыттарында бергәләп эш эшләргә, тәбиғәткә сығырға, яңы ерҙәр күрергә ярата. #ҡоролтай#курултай#ГодБашкирскойСемьи #ХайбуллинскийРайон#БашҡортҒаиләһеЙылы#ХәйбуллаРайоны.