Март 4-те Кызылдын Спутник микрорайонунуң культура төвүнге Кызылдың 27 дугаарлыг "Угул... — 5 марта 2026 г. в 11:15:36.250
Март 4-те Кызылдын Спутник микрорайонунуң культура төвүнге Кызылдың 27 дугаарлыг "Угулза" уруглар садының уран-талантылыг бичии чаштарының аразынга "Угулзаның уран-чараш чаштары" деп конкурс бедик деңнелге болуп эрткен. Конкурс бичии чаштарга тыва дылын өөрениринге, чурттунга чоргаарланып чоруурунга, тыва чоннуң кедип чораан чиңгине тыва хевин үнелеп билиринге, өгбелериниң езу-чаңчылдарын утпайн чоруурунга өөредир кол сорулгалыг. Конкурс "бот таныштырылга", "тыва хеп", "авангард", "уран-талант", "кежээки хеп" деп 5 аңгы чадалыг. Ниитизи-биле 34 чаштар идекпейлиг киришкеннер. Ол ышкаш, садтың эң-не бичии бөлүктен эгелээш улуг бөлүк уругларынга чедир чаштар март 8 авалар хүнүнге тураскааткан чараш танцы-сам, ыры-шоорун бараалгадып аваларынга байыр чедирген. Шак мындыг конкурстар уругну чажындан тура-ла улуг сценага бодун алдынып билиринге өөредип, кижизидип турар. Киржикчилерниң белеткели шыырак болганындан тиилекчилерни шилип үндүрери шииткекчилерге нарын ажыл болган. Мөөрейниң түңнелинде: "УГУЛЗАНЫҢ УРАН-ЧАРАШ АЛДЫН ТАЖЫЗЫ" - Чумбуртай Сергелең; "УГУЛЗАНЫҢ УРАН-ЧАРАШ АЛДЫН ДАҢГЫНАЗЫ" - Соян Лилия "УГУЛЗАНЫҢ УРАН-ЧАРАШ МӨҢГҮН ТАЖЫЗЫ" - Дажый-оол Доржу; "УГУЛЗАНЫҢ УРАН-ЧАРАШ МӨҢГҮН ДАҢГЫНАЗЫ" - Даваа Алия; "УГУЛЗАНЫҢ УРАН-ЧАРАШ ХҮЛЕР ТАЖЫЗЫ" - Монгуш Авырал; УГУЛЗАНЫҢ УРАН-ЧАРАШ ХҮЛЕР ДАНГЫНАЗЫ" - Ооржак Наура олар төлептиг болганнар!! Конкурска ажы-төлүн идепкейлиг киириштирген, бедик деңнелге уругларын белеткээн ада-иеге өөрүп четтиргенивисти илереттивис!!💐💐💐