Нәсел тамырлары тирән һәм ныклы булсынга — 4 июня 2026 г. в 04:29:56.743
Нәсел тамырлары тирән һәм ныклы булсынга Шәҗәрә бәйрәмнәре – рухи ядкарьләребезне барлау, нәсел тамырларыбызга сәяхәт ясау һәм ата-бабаларыбыз белән горурлану өчен әһәмиятле чаралар да. Ул үткәннәребезгә күз ташларга, буыннар бәйләнешен югалтмаска, тарихларыбызны танып-берегә ярдәм итә. Гарәпчәдән тәрҗемә иткәндә “шәҗәрә” сүзе ыру агачы, нәселләр, гаилә тарихы дигән мәгънәне аңлата. Ул һәр гаиләдә олы хөрмәт белән кадерләп сакланыла торган документ булырга тиеш. Шушы хакта яшь буынга кече яшьтән үк сеңдереп үстерсәк, киләчәгебез якты булачагына ышанычыбыз ныклы булачак. Безнең нарасыйларыбыз тәрбияләнгән район үзәгендә “Кояшкай” балалар бакчасының “Тамчыкайлар” төркемендә күптән түгел менә шундый тирән тәрбияви мәгънәгә ия әһәмиятле чара үтте. Тамаша үткән бүлмәне бәйрәмчә итеп бизәгәннәр: нәкъ уртада Шәҗәрә агачы урнаштырылган, ә аның яфракларында биредә тәрбияләнүче һәр баланың кыскача нәсел тарихлары урын алган. Өстәлләрдә исә һәр сабыйга үз гаилә шәҗәрәләре белән танышу мөмкинлеге тудырылган. https://igenche.ru/news/novosti/2026-06-02/n-sel-tayrlary-tir-n-m-nykly-bulsynga-4707791