Байгаалиин уларилай юһэн еһо — 5 февраля 2026 г. в 09:53:05.131
Байгаалиин уларилай юһэн еһо Үбэлдөө наранай эрьехэ үдэрһөө (декабриин 22-һоо) саһанай хайлатар (мартын 12 болотор) 81 хоногые буряад - монголшууд юһэн еһо гэжэ нэрлэһэн. Декабриин 22-то үбэлэй тон богони үдэр, эгээл ута һүни болодог (День зимнего солнцестояния). 1. Декабриин 22-һоо 30 болотор – нэхы дэгэл жэгнэхэ. Хэдэн хоногой туршада үдэр тогтонги, хүйтэн шангадаһан, уһан булаг, гол мүрнүүд яг таг хүрэнхэй, ан гүрөөл үһэ нооһоёо хубилгажа, дулаан нооһоор хушагдадаг. 2. Декабриин 31-һээ январиин 8 болотор – хониной хоргооһон хүлдэхэ, хониной хэбтэри хүрэдэг. 3. Январиин 9-һөө 17 болотор – гунанай эбэр даараха. Энэ хаһын шанга жабартай дээрэһээ буряад зон гунан (3 наһатай) эрэ үхэрэй эбэр даарадаг гэдэг. 4. Январиин 18-һаа 26 болотор – хүйтэн түлэг. Буряад зон дүнжэн (4 наһатай эмэ) үнеэнэй һүүл хүлдэнэ гэжэ тон хүйтэниие хэлэдэг. 5. Январиин 27-һоо февралиин 4 болотор – табиһан түүхэй таряан хүлдэхэгүй. 6. Февралиин 4-һөө 13 болотор – зүргэ харгын саһан эреэлэн хайлаад, хара газар харагдажа эхилдэг. 7. Февралиин 14-һөө 22 болотор добо эреэлхэ (соохортохо) 8. Февралиин 23-һаа мартын 2 болотор үдэртөө шал-пял болохо. 9. Мартын 3-һаа 12 болотор - гуу жалгын саһан хайлаха.