Хьамсара мехкахой! — 8 сентября 2026 г. в 07:16:55.200
Хьамсара мехкахой! Россе Президента Путин Владимира чlоагlонца юкъедаьккха керда цlай дездеш да вай тахан – Россе къамай меттай Ди. Из цlай тахан эггара хьалха дездеш ди. Даьхенцарча безамах, цхьоагlо йолаш, адам вlаши тlера долаш дахарах яздеш хинна цlихезача селий байтанч Гамзатов Расул ваьча денца нийсденнад тахан из деррига чулоацаш дола керда цlай. Метташ тайп-тайпара хила йиш я наьха, бакъда дегаш массахана цхьана хила деза яхаш цо аьнна дешаш дукха къамаш дахача вай боккхача мехка геттара гарга да. Гlалгlай къаман геттара лоархlаме я наьна меттах йола ем. Гlалгlай мотт вай исторецара, культурацара дакъа да, хьалха хиннарашца вай вlаши хотташ бола оагlув! Метта хlама эггара хьалха дезала юкъе дlадолалуш да, цунга хьежжа вайх хlаране цlагlа бувцаш хила беза наьна мотт тlехьенгара тlехьенга кхоачаш, ураотташ латтараша дlаэцаш. Къаман мотт лорабар яхар – шийцара цхьа оагlув лорабар да! Тахан геттара лоархlаме да гlалгlай мотт цlагlа, ишколе, книжкаш тlа, иллешка бекаш хилар, наьна мотт кхетабарал совгlа цун маlан ший дезала, ший къаман довзаш хила деза вай бераш. Ший меттаца санна лерхlам хила беза кхыча къамай метташца, культураца. Цхьанкхетар цу гlулакхех латташ да – хlаране ший тlехьале лораярца, кхыбарий тlехьаленца лерхlам хиларца. Россе къамаш цхьанкхетара Шера нийсденнад ер цlай. Тахан вай массане кхетаду, шийдар лорадеш санна наьхачунцара лерхlам ца боабар боккхача мехка хlама чlоагlдар долга. Массахана паргlата, доккхалца декаш хилда Россе къамай метташ вай боккхача мехка дlаьхий дола истори тlехьенгара тlехьенга кхоачийташ, мехка хlама лорадеш! 📲 Подписывайтесь на мой канал в МАХ