Бэ5эhээ, олунньу 3 күнүгэр Малдьаҕар оскуола-саадыгар (дир.Шалагина А.В.) "Өбүгэ үгэһэ ... — 4 февраля 2026 г. в 01:52:11.871
Бэ5эhээ, олунньу 3 күнүгэр Малдьаҕар оскуола-саадыгар (дир.Шалагина А.В.) "Өбүгэ үгэһэ " диэн ааттаах оройуоннааҕы фольклор күрэҕэ онус төгүлүн үөрүүлээх быһыыга- майгыга ыытылынна. Бу күрэх талааннаах учуутал, Өлүөхүмэ оройуонугар саха тылын, фольклорун үйэтитэргэ өр сылларга үлэлэспит Евдокия Кирилловна Габышева аатын үйэтитэргэ аналлаах. Үс түһүмэхтээх күрэххэ барыта 9 команда кытынна. 2-Нөөрүктээйи, Кыыллаах иккилии хамаанда туруорбуттар. 1 түһүмэххэ "Ийэ тыл этигэн кэрэтэ" диэн ааттаах оһуокай этээччи күрэҕэр кыайыылааҕынан таҕыста Жиркова Настя, 1-Нерюктяй. Кини кубогынан уонна грамотанан наҕараадаланна. 2 түһүмэххэ "Өркөн өй" күрэххэ норуот тылынан айымньытын, тылын- өһүн билиигэ күрэхтэстилэр. Манна 1 миэстэ- Кээччи 2 миэстэ- 2 Нөөрүктээйи иккис хамаандата, 3 миэстэ- Улахан-Мунку буолан, кыайыы өрөгөйүн биллилэр. Кыайбыт хамаандалар кубок, Добун сурук, харчынан бириэмийэ тутан үөрдүлэр-көттүлэр. 3 түһүмэххэ "Ийэ тыл- төрүт дорҕоон" күрэххэ биир тылтан ким элбэх тылы таһаарарыгар куоталастылар. Уонна күрэх иккис чааһыгар "Бэгэччэктэһии" диэн саха төрүт оонньуутун кытта билистилэр, ким илиитэ күүстээҕин биллилэр. Онно муҥутуур кыайыылааҕынан Токо оҕото Габышев Сайаан буолла. 2 миэстэҕэ- Иванов Алаан, 1- Нерюктяй, 3 миэстэҕэ– Голоморев Владик, Хоро таҕыстылар, мэтээлинэн наҕараадаланнылар. Бу күрэҕи сылын аайы Малдьаҕар оскуолатын коллектива үрдүк тэрээьиннээхтик ыытар. Күрэх спонсордарынан Евдокия Кирилловна Габышева оҕолоро, сиэннэрэ буолаллар. Онон өбүгэ үгэһин тэнитэ сылдьар Улахан Муҥку оскуолатын коллективыгар, спонсордарыгар, бары үлэһиттэригэр барҕа махтал! Өссө да сахабыт тыла сайдарыгар туруулаһа, үөрэтэ -тэнитэ туруҥ! Барыгытыгар ситиһиини, доруобуйаны, дьолу- соргуну баҕара хааллым 2 Нөөрүктээйи учуутала Бертелева А. Г.