Ытыктабыллаах Мэҥэ Хаҥалас улууһун үөрэҕин эйгэтин үлэһиттэрэ, үөрэнээччилэрэ уонна төр...
Ытыктабыллаах Мэҥэ Хаҥалас улууһун үөрэҕин эйгэтин үлэһиттэрэ, үөрэнээччилэрэ уонна төрөппүттэрэ! Саха Өрөспүүбүлүкэтин Судаарыстыбаннаһын күнүнэн тус бэйэм уонна улуустааҕы үөрэх салалтатын аатыттан итиитик-истиҥник эҕэрдэлиибин! Балаҕан ыйын 27 күнэ — устуоруйабыт саамай дьоһун, кэскили түстээбит өрөгөйдөөх күнэ! Бүгүн биһиги сүрүн сорукпут — хаачыстыбалаах үөрэх эрэ буолбакка, ийэ тылбытын, култуурабытын уонна төрөөбүт сирбитин таптыыр, кини уратытын сыаналыыр уонна сайыннарар күүстээх санаалаах саҥа көлүөнэни иитэн таһаарыы буолар. Эдэр көлүөнэбит ситиһиилэрэ — Өрөспүүбүлүкэбит сырдык инникитэ! Күндү кэллиэгэлэр! Доруобуйаҕыт чөл, үлэҕит айымньылаах, үөрэх уонна билим үрдэллэригэр дабайыыгыт үтүө түмүктээх, үрдүк көрдөрүүлээх буоллун! Төрөөбүт Сахабыт сирэ өссө күүскэ чэчирии сырдаатын, улууспут үөрэҕин ситимэ өрүү инники күөҥҥэ сырыттын! Улуустааҕы үөрэҕирии салалтатын начаалынньыга И.М.Плотникова Үөрэҕирии үлэһиттэрин улуустааҕы территориальнай тэрилтэтин бэрэссэдээтэлэ И.М.Скрябин