🎉 "Олоҥхо – мин тулабар" күрэх түмүгэ уонна эдэр ыччат кэпсэтиитэ! 🎉
🎉 "Олоҥхо – мин тулабар" күрэх түмүгэ уонна эдэр ыччат кэпсэтиитэ! 🎉 Муус устар 23 күнүгэр, "Кэрэли" эбии үөрэхтээһин киинигэр "Олоҥхо – мин тулабар" өйтөн суруйуу күрэҕин хомуурунньугун сүрэхтэниитэ буолан ааста! 📚 Бу үөрүүлээх тэрээһиҥҥэ күрэх кыайыылаахтара кэлэн, бэйэлэрин өйтөн суруйууларын дьоҥҥо- сэргэҕэ ааҕан иһитиннэрдилэр. Барыта 96 оҕо үлэтэ киирдэ. Олор быыстарыгар биһиги айар куттаах выпускницата, Ильинова Самаана киирэн үөрүүбүт үгүс🌸 Ону таһынан, хомуурунньук презентациятын кэннэ, кыайыылаах оҕолор пресс-конференцияҕа көхтөөхтүк кыттыыны ыллылар! 🎤 Биһиги оскуолабытыттан "Ross-Media" студия эдэр кэрэспэндьиэннэрэ актыыбынай кыттыыны ылбыттара. Кинилэр олоҥхо аныгы олоххо суолтатын, эдэр ыччаты хайдах угуйар туһунан элбэх интэриэһинэй ыйытыылары биэрэн, тыыннаах кэпсэтиини таһаардылар. Оҕолор бэйэлэрин санааларын аһаҕастык үллэһиннилэр, олоҥхо, саҥа тахсан эрэр көлүөнэҕэ, тус олохторугар хайдах дьайарын кэпсээтилэр. Олоҥхо – биһиги тыыннаах култуурабыт, өбүгэбит кэриэс тыына! Эдэр ыччат бу курдук дириҥник ылынан, айар үлэҕэ туһанара олус кэрэхсэбиллээх. Оҕолор өйтөн суруйуулара кинигэҕэ бэчээттэнэн, киэҥ араҥаҕа таҕыста. Кыайыылаах оҕолору, тэрийээччилэри үтүө тэрээһиннэринэн эҕэрдэлиибит! Инникитин даҕаны сахабыт култууратын өрө тута туруохпут!