МР

МАОУ «Рассолодинская СОШ им. Г.И.Соловьева»

Школы и вузы · 9 апреля 2026 г.

Открыть канал в MAX

Майа сэлиэнньэтигэр, Филипп Гаврильевич Охлопков аатынан Майа орто оскуолатыгар муус ус...

Майа сэлиэнньэтигэр, Филипп Гаврильевич Охлопков аатынан Майа орто оскуолатыгар муус устар 9 күнүгэр «Вектор поиска и поиск векторов» диэн тиэмэнэн «Илин Эҥээр» үөрэх уокуругун Форума буола турар. Бу тэрээһиҥҥэ Амма, Чурапчы, Таатта, Уус-Алдан, Мэҥэ-Хаҥалас уонна Томпо улуустарыттан 400-тэн тахса салайааччылар, педагогтар, үөрэх тэрилтэлэрин үлэһиттэрэ, оскуола иннинээҕи саастаах оҕо тэрилтэлэрин исписэлиистэрэ, үөрэх управлениетын, экэниэмикэ сулууспаларын бэрэстэбиитэллэрэ уонна иитии үлэтигэр дириэктэр сүбэһиттэрэ кыттыыны ыллылар. ⁣ Форум бырагырааматыгар үөрэх хаачыстыбатын, киэргэтии индустриятын уонна ускуустуба туһунан лекциялар, 8 тиэмэ быһааккатын үлэтэ («Үгэс. Эйгэ. Учитель» бырайыак сессията, ситиһиилэр панорамата, үөрэх хаачыстыбатын туһунан төгүрүк остуоллар, оҕону информационнай кутталтан харыстыыр стратегия, хаачыстыбаны салайар концепция) киирэллэр. Ону таһынан, оскуола бизнес-инкубатордарын, оҕо тэрилтэлэрин быыстапката уонна «Аныгы уруок феномена» диэн методическэй үлэлэр турдулар. Форум сүрүн түмүгүнэн «Илин Эҥээр» үөрэх уокуругун сайыннарар консорциуму тэрийии буолуоҕа. ⁣ Бу «Илин Эҥээр» үөрэх уокуругар үһүс төгүлүн ыытыллар Форум буолар: 2023 сыллаахха Амма, 2024 сыллаахха Чурапчы улуустарыгар ыытыллыбыта. Форум үөрүүлээх арыллыытыгар кыттыыны ылаллар: -Дмитрий Иванович ТИХОНОВ, Мэҥэ-Хаҥалас улууһа муниципальнай оройуон баһылыга. -Нюргуна Афанасьевна Соколова Саха Өрөспүүбүлүкэтин үөрэххэ уонна наукаҕа министирэ. -Габышева Феодосия Васильевна, Саха Өрөспүүбүлүкэтин Билим академиятын төрүт тыллары үөрэтэр, харыстыыр уонна сайыннарар киинин салайааччыта, «Бүтүн Арассыыйатааҕы педагогическай мунньах» Саха сиринээҕи салаатын бэрэссэдээтэлэ. -Васильева Надежда Николаевна, Российскай Федерация норуоттарын төрүт тылларын Федеральнай институтун Саха сиринээҕи филиалын салайааччыта. -Бугаев Николай Иннокентьевич, үөрэх сайдыытын уонна идэ таһымын үрдэтэр институт доцена . -Дария Николаевна Санникова үөрэх сайдыытын уонна идэ таһымын үрдэтэр институт уобсастыбаннай сибээс салаатын салайааччыта. -Сардана Револьевна Саввина, Арктикатааҕы искусство, култуура уонна айар индустриялар судаарыстыбаннай университетын доцена, тас дойдулар сыһыаннаһыыларын отделын начальнига. -Мария Витальевна Андреева, Арктикатааҕы искусство, култуура уонна айар индустриялар судаарыстыбаннай университетын библиотека, иьитиннэрии үлэтин уонна гуманитарнай дисциплина кафедратын сэбиэдиссэйэ. - Сардаана Егоровна Ушницкая, С.Н.Донской - II аатынан Үөрэҕи сайыннарар уонна идэ таһымын үрдэтэр институт дириэктэри солбуйааччыта.