"Аҕа-ыал бигэ тирэҕэ!"🧑🧑🧒
"Аҕа-ыал бигэ тирэҕэ!"🧑🧑🧒 Бүгүн Ороссолуода оскуолатыгар Аҕа күнэ үөрүүлээхтик ааста! Бу тэрээһин оҕолор уонна аҕалар ыкса сибээстэрин күүһүрдэр, дьоллоох түгэннэри бэлэхтиир соруктаах ыытылынна. ✨ Биһиэхэ ыалдьыттыы аҕаларбыт эрэ буолбакка, ытыктыыр эһээлэрбит кэлэн, уолаттарын уонна сиэннэрин кытта тэрээһиҥҥэ көхтөөхтүк кыттыыны ыллылар. Бу – кэнчээри ыччат өбүгэтин ситимэ, удьуор утума салҕанарын туоһута! Көрдөөх-нардаах оонньуулар, мындыр өйү, тобуллаҕас толкуйу сайыннарар оонньуулар буоллулар. Аҕалар уонна оҕолор бииргэ сомоҕолоһон, үөрүүнү, сэргэхсийиини, умнуллубат түгэннэри бэлэхтээтилэр. Бары биир тэтимҥэ киирэн, күлэн-үөрэн, күүстэрин уонна өйдөрүн холостулар💪 Тэрээһин кэннэ бырааһынньыктааҕы мааны остуолга күндү ыалдьыттарбытын кытта оҕолор түмсэн олорон дуоһуйа кэпсэтэн, сүбэ тыллары истэн, дьоҕус бэсиэдэ тэрийдибит. 😋 Бу түгэн эмиэ кэпсэтиигэ, санаа атастаһыытыгар олус табыгастаах буолла. Бука бары көхтөөх кыттыыларын иһин махтал сурук туттулар. Тэрээһиммит дьэ, чахчы бэртик ааста! Оҕолорбут аҕаларын кытта өссө чугасыһан, истиҥ сыһыаннарын күүһүрдүбүттэригэр олус үөрдүбүт! Аҕаларбытыгар, эһээлэрбитигэр бука барыгытыгар махталбытын тиэрдэбит! Эһиги – биһиги күүспүт-көмөбүт, тирэхпит! ❤️