Ыам ыйын 23 күнүгэр самаан сайыны көрсө Хаҥалас улууһун ытык-мааны Уулаах-Аан сиригэр о... — 29 мая 2026 г. в 03:08:05.527
Ыам ыйын 23 күнүгэр самаан сайыны көрсө Хаҥалас улууһун ытык-мааны Уулаах-Аан сиригэр оскуолабыт үгэһинэн уйгу-быйаҥ ыһыаҕа буолла. Бу күүтүүлээх тэрээһиҥҥэ 37 кылаас, уһуйаан оҕолоро, төрөппүттэрэ, учууталлар, иитээччилэр түмсүүлээхтик кыттыыны ыллылар. Ыһыах үөрүүлээх арыллыытыгар оскуолабыт дириэктэрэ Мария Леонидовна Прокопьева самаан сайын кэлбитинэн, үөрэх сыла түмүктэммитинэн эҕэрдэлээтэ. Быйылгы ыһыах Арассыыйаҕа биллэриллибит норуоттар сомоҕолоһууларын сылыгар ананна. Бу күн үгэс буолбут сахалыы сиэр-туом толорулунна, хомус тыаһа дьиэрэйдэ, илиилэртэн ылсан оһуохайга туран, ырыа-тойук туойулунна. Оскуолабыт оҕолоро "Бэргэн оонньуулара" диэн төрүт оонньуу күрэхтэригэр кыттыыны ылан кыайыы-хотуу аргыстаннылар. Үгэс буолбут "Саха талба-мааны таҥаһа", "Кэрэ Куо" уһун суһуох, "Маанылаах түһүлгэ", "Өбүгэ алгыстаах аһа" күрэхтэр үрдүк таһымнаахтык тэрилиннилэр. Төрөппүттэр кылаас, уһуйаан маанылаах, сахалыы минньигэс астаах түһулгэлэри тэрийдилэр. Күндү оҕолор, төрөппүттэр, учууталлар, иитэччилэр! Барыгытын күүтүүлээх самаан сайын салаллан кэлбитинэн ис сүрэхтэн эҕэрдэлиибит! Бу сайын эhиэхэ элбэх умнуллубат, үөрүүлээх түгэннэри бэлэхтээтин диэн алгыс тылбытын аныыбыт! #СОШ39