«Өс хоҺоон»-өрөспүүбүлүкэтээҕи күрэҕэ — 26 апреля 2026 г. в 12:16:03.645
«Өс хоҺоон»-өрөспүүбүлүкэтээҕи күрэҕэ Муус устар 25 күнүгэр П.И. Кочнев аатынан Тулагы орто оскуолатыгар 5-8 кылаас үөрэнээччилэригэр «Ким до5ордоох - ол дьоллоох» диэн өрөспүүбүлүкэтээҕи күрэх буолан ааста. Быйыл бу күрэх тэриллибитэ 8-с сыла. Сыала: - Оҕо ийэ тылын баайын билэрэ, өбүгэлэрин муудараһын өйдүүрэ уонна ону олоҕор туһанара; - Оҕо сахалыы таба саҥарар сатабылын сайыннарыы, төрөөбүт тыл омук тыыннаах буолар мэктиэтэ буоларын өйдөтүү. Күрэх барыта 4 түһүмэхтэн турда. Манна хамаандалар бэриллибит түөрт өс хоһоонун бириэмэҕэ ситэрэн суруйуу, инсценировканы көрдөрүү, тылы-өһү сытыылыыр күрэхтэһии (батл), хартыынанан өс хоһоону тута таайыыга күрэхтэстилэр. Бу сорудах кыттааччылар өс хоһоонун төһө чопчу билэллэрин уонна хамаанданан түмсүүлээхтик үлэлииллэрин көрдөрдө. Өс хоҺоон күрэҕэр куорат - 4, Таатта- 3 оскуолатын хамаандалара: 1-кы №-дээх, ЯГНГ, №38-дээх, СПЛ, Х.И. Кашкин аатын сүгэр Даайа-Амма орто оскуолата, А.Е. Мординов аатынан Таатта лиссиэйэ, Харбалаах орто оскуолата күөн көрүстүлэр. ТыҥааҺыннаах киирсии түмүгүнэн миэстэлэр: 1-кы миэстэ – №38-дээх оскуола, №1-дээх оскуола. 2-с миэстэ – Дьокуускай куорат «Саха политехническэй лиссиэйэ» 3-с миэстэ – Дьокуускай куорат Саха национальнай гимназията» оскуола хамаандата. Улуус оскуолатын түмүгэ: 1-кы миэстэ – А.Е. Мординов аатынан Таатта лиссиэйэ. 2-с миэстэ – Харбалаах орто оскуолата. 3 миэстэ - Х.И. Кашкин аатынан Даайа-Амма орто оскуолата. Кыайыыга тиксибит хамаандалары итиитик-истиҥник эҕэрдэлиибит! Мустубут дьоҥҥо үөрүүлээх арыллыытын кыттыылаахтара: «Күөрээйики кустуга» үҥкүү ансамбла,салайааччы Матвеева Евдокия Иннокентьевна, 9 «а»уолаттарын толорууларыгар А.Е. Кулаковскай «Былыргылыы алгыс», салай. Сидорова Августа Семеновна, кылаас салай. Иустинова Айталина Ивановна, 5 «а» кылаас о5олоро кылаас салайааччыларын кытта Прибылых Варвара Гаврильевна, хомус дьүрүскэн тыаһынан өссө сырдатта, сахалыы тыыннаата, дьон кэрэхсэбилин ыллылар. Тэрээһин саамай чаҕылхай түгэнинэн оһуохай этэн дьүрүһүттүлэр. Оһуохай тылынан дьоҥҥо-сэргэҕэ сомоҕолоһуу уонна үөрүү тыынын бэлэхтээтилэр. Күрэхтэһии түмүгүн таһаарар уонна кыттааччылар таһымнарын сыаналыыр туһуттан компетентнай дьүүллүүр сүбэ үлэлээтэ: Крылатова Саргылаана Тимоновна- Тулагы орто оскуолатын алын сүһүөх учуутала, Семенова Матрена Гаврильевна – оскуола библиотекара, Андросова Лариса Лазаревна – «А.Я.Уваровскай» аатынан нэҺилиэк библиотекара. КүрэхтэҺиини иилээн - саҕалаан ыыттылар: Саха тылын уонна литературатын учууталлара Сидорова Августа Семеновна, Афанасьева Наталия Афанасьевна, алын сүһүөх учуутала Кузьмина Наталья Дмитриевна, Ефимов Валерий Гаврильевич.