📚 ЛИТЕРАТУРНАЯ БЕСЕДКА — 28 сентября 2026 г. в 09:47:38.708
📚 ЛИТЕРАТУРНАЯ БЕСЕДКА НАМАР ТУХАЙ ШҮЛЭГ Мүнхэ байгаалиин эрьелдээн дундуур Миралзатан нэгэтэ намар ерэдэг. Мүнгэтэ юртэмсын хубилаан соогуур Молор һайхан уларил тогтодог. Уянхан һэбшээтэй абари соохононь Урихан хабарай энхэрэл олохош. Ульһата наранай элшэ дорохононь Урматай зунтаяа хахасан үдэшэхэш. Уран биирээр зурагдаһан түби дээр Улаа шарахан набшаһад унахал. Уудам нэмжыһэн тала гүби дээр Уянгата гунигтай ганганаан зэдэлхэл. Сэнхир тэнгэриин хонгорлоон соохоно Сэлмэг хүхэ хизаарыень бэдэрхэш. Һаргама ялагар агаарай долгин соо Һэмээхэн абаахайн шүлһэнтэй тэмсэхэш. Аласай гэгээн мүшэдэй гэрэл соо Аршаанта Риихын булаг сүршэхэнь. Алтарма онсо шэнжэтэй амидарал соо Аглаг дэлхэй амаралтадаа бэлдэхэнь. Намжилма Цыденова
80 просмотров