МАУ «Редакция районной газеты"Районну яшаву" ("Будни района")
Новости · 12 июня 2026 г.
ёп йылланы узагъында Россияны гюню янгыз ишлемейген гюн гьисапда белгиленип турду. Тек ... — 12 июня 2026 г. в 06:54:40.346
ёп йылланы узагъында Россияны гюню янгыз ишлемейген гюн гьисапда белгиленип турду. Тек артдагъы йылларда шо гюн байрамча, айрыча агьамият берилип оьтгерилмеге башланды. Бу йыл бизин элибизни харлысызлыгъына 35 йыл бола. Россияны гюню – жагьил байрам. Болса да, Ватаныбызны артдагъы йыллардагъы уьстюнлюклери ва оьрлюклери гёрмекли ерни тута ва бизин сююндюре. ХХ-нчы асруну ахырынчы йылларында элибиз, СССР йимик, тозулмагъа бир аз къалды. Олай да, 90-нчы йылларда уллу-уллу олигархлар элибизни бары да байлыкъларына, мал-матагьына, табии маъданларына есилик эте эди. Дюньяны халкъларыны арасында РФ-ни абуру артагъанын алдагъы йылларда бизин элибизге къаршы гийирилген санкциялардан да гьис этебиз. Сонг да, РФ-ни ёлбашчылары пачалыкъны байлыгъын ва мюлкюн къайтарып оьз есиликге алгъаны оьзюню халкъыны гьайын этегенин гёрсете. Бугюнлерде Россияны Гюню – эркинликни, демократияны байрамы, ватандаш парахатлыкъны, законгъа гёре разилешивню ва тюзлюкню гюню. Бу байрам – бизин миллетлени бирлешивюн, Россияны гележеги учун бары да халкъ бир йимик жаваплы экенин гёрсете. Россияны ватандашларыны харлысызлыгъын, оланы патриот ругьун, уьлкени бугюнюн ва тангаласын яхшылашдырмакъ, миллетлени арасында татывлукъ болдурмакъ, оланы бирлешдирмек ва якъламакъ, ватаны булан оьктем болмакъ учун уьлкебизни башчылары бары гьаракатын болдура. Озокъда, артдагъы йылларда бизин Россия элибиз учун къыйын йыллар болуп тура. Тыш пачалыкъланы башын тутгъанлар Россияны аякъгъа къатты тургъанына рази тюгюл. США ва Англияны ёлбашчылары Украинаны къолу булан Россиягъа къаршы иш юрюте. Украина ва Россия аралыкъларда Россияны гюнагьлай, сав дюньяны бизге къаршы этмекни гьайында чалыша. «Россия Украинагъа чапгъын этген, елеме сюе» деген ялгъанлар булан тура. Россиягъа къаршы салынагъан санкцияланы арты-алды да ёкъ. Россияны халкъыны арасында да къалмагъаллар этмекни, башгётеривлер болдурмакъны яш оьсюп гелеген, наслуну террор законда гери урулагъан гьаракатлагъа къуршамакъны уьстюнде ишлей. Тек, оланы иши бир заманда да оьр болмажакъ. Россиялылар оланы намарт хыялларын, политикасын яхшы англай ва элин якълама гьар даим де гьазир тура. 2007-нчи йылда байрамны алдында «Бирлешген Россия» ва «Яш гвардия» деген яшёрюмлерини къурумларыны активистлери биринчилей бютюнроссия акция оьтгерген. Шону барышында олар россиялылагъа бизин милли байрагъыбызны тюслериндеги миллиондан да къолай лентлер тапшургъан. Шондан берли шо акция бизде адатланып къалгъан ва гьар йыл юрюле. Гьаманда йимик, Россияны Гюнюнде РФ-ни Президенти Владимир Путин Кремлде белгили жамият-сиясат чалышывчуланы, артистлени, спортчуланы, алимлени ва кёп оьзге тармакъланы къуллукъчуларын къонакълай чакъыра ва къабул эте, олагъа пачалыкъ савгъатлар тапшура. 2026-нчы йылда да шолай шатлы чаралар оьтгерилежегине шекленме тюшмей. Россияны гюнюнде уьлкебизни бары да ерлеринде парадлар, демонстрациялар оьтгериле. Йылдан-йылгъа байрамны маънасы ва агьамиятлыгъы арта.