https://vk.ru/wall-217322860_951 — 29 марта 2026 г. в 09:02:39.698
https://vk.ru/wall-217322860_951 "Мүрүчээнэ" сонуннара.Күн аайы араас тэрээһиннээх,элбэх барыылаах-кэлиилээх нэдиэлэ түмүктэннэ."Өксөкү сиэннэрэ" улахан бөлөх иитиллээччилэрэ "Уолан" гимназияны кытта сибээс олохтоон ыалдьыттаан, экскурсиялаан,дрон көтөрүн,Саян Бурнашев фокуһун көрөн астынан кэллилэр. Аны муус устарга үөрэнээччилэри күүтэбит. "Росточек", "Сулусчаан","Күн сардаҥалара" бэлэмнэнии бөлөх иитиллээччилэрэ биллиилээх оҕо поэтессата А.Барто 120 с.юбилейыгар анаммыт тэрээһиҥҥэ "Сыккыс"библиотекаҕа сырыттылар. Театр Аан дойдутааҕы күнүнэн Саха государственнай Опера уонна Балет театрын артыыстара "Про кошку,кашку и молоко" остуоруйаны оонньоон көрдөрөн оҕолор биһирэбиллэрин ыллылар,оҕолору кытта тэҥҥэ оонньоон сэргэхситтилэр. Улуустааҕы ааптарыскай сайыннарар оонньуулары көрүү быыстапката биһиги базабытыгар ыытылынна. Манна Алексеева Д.А."Ыл,бул,таай" толкуйдатар оонньуутунан 2-с ст.лауреат, Татаринова О.М."Аптаах холбука" хомулугунан 3-с ст.дипломан буоллулар. Тулуна "Татыйык" уһуйаан Сомоҕолоһуу сылыгар анаан ыыппыт НПК-гар Орлов Антон (иитээччилэр Гоголева М.И.,Старостина В.А.) " Мы гордимся нашим героем" иһитиннэриитинэн 3-с ст. диплом ылары ситистэ. Мэҥэ Хаҥалас улууһа ыыппыт республиканскай "Ийэ тылынан иитэбит - саха тылынан сайдабыт" методическай разработкалары көрүү конкурсугар Татаринова О.М. наставниктыыр иитээччитинээн Захарова Н.С.кытыннылар.Ольга Михайловна " Дьурайаан Бэргэн" олоҥхону туруоруу сценарийынан, Нюргуяна Семеновна "Олоҥхо дойдутун ыһыаҕа" оонньуутунан 2-с ст.лауреат буоллулар. Талааннаах үлэһиттэрбит Мүрү нэһилиэгин фестивалыгар дьүһүйүүгэ, Платон Стрекаловскай туруорбут үҥкүүтүгэр көхтөөх кыттыыны ыллылар. Эр дьон үлэһиттэрбит "Мүрү кытыла" сынньанар площадка хаарын ыраастааһыҥҥа субуотунньукка кытыннылар. Бүгүн Ф.В.Габышева, СӨ Наукатын академиятын Төрөөбүт тылы чинчийэр,харыстыыр уонна сайыннарар киин салайааччыта ыалдьыттаата. Кинини арыаллаан улуус дьаһалтатын баһылыгын социальнай боппуруостарга солбуйааччы Аргунов Г.Ф.,Үөрэх салалтатын начальнига Татаринов Ф.Ф. сылдьыстылар. Оҕону иитиигэ-үөрэтиигэ сахалыы эйгэни тэрийэр үлэбитин хабан көрдөрөн, наставникпыт Иванова Г.Н." Удьуор утума" бырайыакпытын сырдатан, группа иһигэр сахалыы эйгэни, педагогтарбыт чопчу тылы сайыннарыыга ааптарыскай үлэлэрин көрдөрөн Феодосия Васильевна сөптөөх сыанабыла үөрүүбүтүн үрдэттэ,инники үлэбитигэр тирэх буолла.